Popular Bible Verses from Deuteronomio 30

Share

Tuj k'ij lu in che oc nk'o'ne cya'j tuc'ix tx'otx' te testiw cyi'je, ka ax toc ma txi nma'ne tu'n tjaw cysc'o'ne cyxol cabe tumel lu: Ka chwinklal ex ka camic, ka cy'iwbil ex ka mya ba'n. Cyja'tzun cysc'on jawe chwinklal, tu'ntzun cyank'ine cyuc'ix ke cyiyjile che ul itz'j te tibajxi. Cyc'ujlame Kman Dios, cynimanxe, ex cucx che lpe'que ti'j, porque a k'olte cychwinklale, ex tu'n che tele nim k'ij twitz tx'otx' tzaj ttziyan tu'n ttzaj tk'o'n cye cyxe'chele Abraham, Isaac ex Jacob.

Ka ma txi cybi'ne aju in xi nma'ne cyeye ja'lo, ka ma cyc'ujlaye Kman Dios, ka ma che oc lpe'ye ti'j, ka ma che japun ke tmandamyent cyu'ne cyuc'ix ke tley ex ke tcawbil, che ank'iltzune, cchmetel nim cyc'wa'le, ex che cy'iwlanjtzele tu'n tuj tx'otx' ctzajel tk'o'n cyeye tu'n cyoque te tajwil.

Cybintze ja'lo: Cbel nk'o'ne cabe tumel cywitze tu'n tjaw cysc'o'ne alcye cyajbile; ka chwinklal ex ka camic; ka tu'n cytene ba'n ex ka tu'n cytene mya ba'n.

Nika' ta' mandamyent cyuc'ile; ax ta' tuj cytzi'ye, ex ax ta' tuj cyanmiye, tu'ntzun tjapun cyu'ne.

Cch'expetel cyanmiye tu'n Kman Dios ax icx cye cyiyjile che ul itz'j te tibajxi, tu'ntzun cyc'ujlanteye Kman Dios tu'n tcyakil cyc'u'je ex tu'n tcyakil cyanmiye, tu'ntzun tten cychwinklale.

Che beltzun cy'iwla'ne tu'n Kman Dios ti'j tcyakilju cbantel cyu'ne, che ul itz'j nim cyc'wa'le ex nim cyalune ex cchmetel nim twitz cyawale. Ctzalajel Kman Dios cyi'je juntl maj, ex oc tbincha' ba'n cyeye, ic tza'n o tzalaj nej cyi'j ke cyxe'chele ex o tbincha ba'n cye.

Katzun ma tz'el cypa'n cyibe ti'j Kman, ka minti' ma txi cybi'ne tyol, ka ma txi cyk'o'ne ambil tu'n cyxi lpe'ye cyi'j junxitl dios tu'n cyc'ulune cywitz ex tu'n cycub ẍmeje'ye cywitz, bi'x cxel nma'ne cyeye ja'lo, ax toc il ti'j che najele, ex mlay che tene nim k'ij tuj tx'otx' ctzyetel cyu'ne cyic'xlenxiye tuj nima Jordán.

Aju mandamyent in xi nma'ne cyeye ja'lo mya cyuw te cyeye, ex mya mlay bant cyu'ne.

Mya max ta' tuj cya'j, tu'ntzun cymanteye cyja': ¿Alcye jun jacu jax tuj cya'j tu'n ttzaj tbi'n ex tu'n ttzaj tma'n ke, tu'ntzun tjapun ku'n?

Ax icx mya max ta' jlajxi mar, tu'ntzun cymanteye cyja': ¿Alcye jun jacu tzic'x jlajxi mar tu'n ttzaj tbi'n ex tu'n ttzaj tma'n ke, tu'ntzun tjapun ku'n?