Popular Bible Verses from Deuteronomio 28

Share

Ka axix toc ma txi cynimane Kman Dios ex ka ma che japun cycyakil ke tmandamyent cyu'ne, akeju in che'x nma'ne cyeye ja'lo, che oqueltzun k'o'ne tu'n Kman te ma'xix cyoclene cyxol cycyakil nasyon twitz tx'otx'.

Che tzajeltzun tk'o'n cycyakil ke cy'iwbil lu cyibaje ka ma txi cynimane Kman Dios

Che oquel k'o'ne te tnejel tu'n Kman, ex mya te mancbil; cucx che tele te ma' cyoclene cyxol mastl, ex mlay che oc k'o'ne te ch'in cyoclene ka ma txi cynimane ex ka ma che japun ke tmandamyent Kman Dios cyu'ne, akeju in che'x nma'ne cyeye ja'lo

Ctzajel tk'o'n Kman nim tk'inumabl cyeye aju at twitz cya'j, ctzajel tk'o'n jbal twitz cya'j tibaj cytx'otx'e tujxix tk'ijlalil, tu'ntzun tcy'iwla'njtz tcyakil cyak'unbene. Cxel cyk'o'ne cych'ex ela' nasyon, atzun cyeye mlay txi cykanine cych'exe cye.

Che tzajel tk'o'n Kman ke aj k'oj tuj cyk'abe oc cyoc tzokpaj cyi'je. Tuj txolin cyten oc cyoc tzokpaj cyi'je, pero che elel ok cywitze ex bi'x cbajel cysputun cyib.

Cbel tcy'iwla'n Kman aju at tuj cytx'utx'e ex tcyakilju cbantel cyu'ne, ex che ank'ile tu'n tuj tzalajbil tuj tx'otx' ctzajel tk'o'n cyeye.

Che bel cy'iwla'ne tu'n Kman oc cyxi'ye tuj cybeye ex oc cyul meltz'aje.

Che bel cy'iwla'ne tu'n Kman tuj tnam ex tuj cojbil.

Che bel cy'iwla'n cyc'wa'le tu'n, tuc'ix twitz cyawale, cyal cyalune, cyal cywacẍe ex cyẍne'le.

Ka ma che japun ke tmandamyent cyu'ne ex ka ma che bete tuj tbe, cucxtzun che tele te jun c'loj xjal pa'maj te Kman Dios ic tza'nx o tzaj ttziyan cyeye.

Che bel cy'iwla'n tu'n Kman tcyakilju twitz cyawale tcu'x tuj cychi'le, ex aju arin tcu'x tuj choc jatum in cub xyok'it.

Ctzajel tk'o'n Kman nim t-xtalbil cyeye, ctzajel tk'o'n nimxix cyc'wa'le, nimxix cyal cyalune ex nimxix twitz cyawale tuj tx'otx' tzaj ttziyan cye cyxe'chele tu'n ttzaj tk'o'n cyeye.

Cycyakiltzun tnam twitz tx'otx' oc cyila' ka cyi'je toc tbi Kman, ex che xobel cywitze.

ka mi'n ma tz'el cypa'n cyibe cyi'j, ex ka mi'n ma che'x lpe'ye cyi'j junxitl dios tu'n cyc'ulune cywitz.

Katzun mi'n ma txi cynimane Kman Dios, ex ka mi'n ma che japun cycyakil ke tmandamyent ex ke tley cyu'ne, akeju in che'x nma'ne cyeye ja'lo, che tzajeltzun cycyakil ke mya ba'n lu cyibaje