Popular Bible Verses from Daniel 6

Share

Tejtzun tbinte Daniel ka otok tz'oc tbi rey ti'j ley lu, aj tja ex ocx tjako'n tventan tja tumlal tnam Jerusalén, ex ox maj junjun k'ij in cub ẍmeje' na'l Dios ex in tk'o'n chjonte te, ic tza'nx in bant tu'n nej.

Ma tzaj t-sama'n Ndiose t-anjel, ex ma lamet cytzi balun, tu'n mi'n nxi chyo'ne cyu'n, porque ba'n tu'n Dios minti' wile twitz, ax icx minti' jun wile ma nbinchaye twitza, Tat Rey.

Akine rey Darío in xi nk'o'ne jun ley tuj tcyakil tx'otx' jatum in chin cawine, tu'n cynimane cycyakile te Dios, aju Tdios Daniel, ex tu'n cyxobe twitz. Porque atzun Dios itz', ex cucx tten te jumajx. Aju tcawbil mlay naj ex aju tipumal minti' bajsbil te. Ate Dios colol cye xjal ex k'ol tzokpibl, ex in tbincha'n ke binchben ma' cyxilen tza'nx tuj cya'j ax icx twitz tx'otx'. A ma clonte Daniel tuj cytzi balun, chi rey tuj u'j.

Xitzun tma'n rey tu'n ttzaj k'i'n Daniel ex tu'n tcu'x k'o'n tuj cyjul balun. Pero tej na'nxtok tcu'x k'o'n, xi tma'n rey te: —Awt ju Tdiosa, aju in ajbena te tcyakil k'ij, clonte teya, chi rey.