Popular Bible Verses from 1 Timotey 6

Share

Tz'oc tililx tu'na ic jun soldad tu'n tcub ti'j mya ba'n tu'na tu'n tocslabla; tzyuma aju chwinklal te jumajx, porque o txconjtza tu'n tten tchwinklala te jumajx tej t-xi tchic'ba'na tocslabla cywitz nimcu testiw.

Porque aju tu'n tpon kc'u'j ti'j pwak, atzun tloc' tcyakil mya ba'n; ic tza'n junjun o che el txalpuj ti'j cyocslabl ex nim o che c'ixbisanjtz tu'nju o pon cyc'u'j ti'j pwak.

Pero ka ma ko niman te Dios ex in ko tzalaj ti'j ju in tzaj tk'o'n ke, atzun jlu jun cambabl ma'xix.

Porque minti' ch'in k'i'n ku'n tej kul itz'j, ex minti' ch'in cxel ki'n oc kic' twitz tx'otx'.

K'manxa cye k'inun ate' tuj tk'ijlalil ja'lo tu'n mi'n tjaw cyniman cyib, ex tu'n mi'n toc ke' cyc'u'j ti'j k'inumabl porque mya segur te jlu; nok o'cx tu'n tke' cyc'u'j ti'j jun Dios itz', porque tcyakil in tzaj tk'o'n Dios ke ex nimxix in tzaj tk'o'n tu'n ktzalaj ti'j.

Porque akeju cyaj tu'n cyoc k'inun, in che oc tuj joybil cyi'j ex in che cub tz'ak tuj c'obil, tu'nju in pon cyc'u'j ti'j nimcu minti' tajben, ex in che c'ixbi tu'n; tu'ntzun jlu in tzaj xitbil cyibaj ex in che'x tuj najen.

K'manxa cye tu'n cybinchante aju ba'n, tu'ntzun tchmet cyak'unben ba'n ic tza'n jun k'inumabl; k'manxa cye tu'n cybinchante xtalbil ex tu'n t-xi cysipan ch'in cye mastl. Atzun jlu tu'n tbaj cychmo'n ic tza'n jun k'inumabl tu'n tajben cye tuj tk'ijlalil tzul, tu'ntzun cytzyunte ju chwinklal axix toc.