Popular Bible Verses from 1 Samuel 17

Share

Atzunte David xi ttzak'we'n: —Ma tzaja wi'je tuc'il spad ex lans, tuc'ix juntl wik lans ch'in tkan, atzun weye chin oquel tzokpaje ti'ja tuj tbi Dios aju Tajaw Tcyakil, aju Cydios ke soldad aj Israel akeju ma che oc tic'le'na tu'n cyk'ojin tuc'ila.

ex cycyakil keju cychmon cyib tzalu, c'elel cynic' ti'j ka ate Dios mya tu'n spad ex mya tu'n lans in che clet xjal tu'n, porque ate Dios ck'ojl cyi'je, ex axte Dios ctzajel k'onte cyeye tuj kk'abe tu'n tcub cyi'je ku'ne.

Ate Kman o clonte weye tuj cytzi' ke balun ex ke oso, icxtzun chin cletele tu'n tuj tk'ab aj Filistey lu. Xitzun tma'n Saúl te: —Txi'ya ex awt Kman txi' tuc'ila.

Ja'lo ate Dios ctzajel k'onte teya tuj nk'abe tu'n tcub ti'ja wu'ne, ex texju or lu cbel nbyo'ne ex c'elel ntx'e'mine twi'ya. Atzun cyximlal soldad aj Filistey, che cxel nk'o'ne te cychi c'utz in che lipan twitz cya'j ex te cychi txcup te tjak' c'ul. Cyja'tzun tten tuj tcyakil twitz tx'otx' c'elel cynic' xjal ti'j ka at jun Dios cyxol aj Israel

Tzajtzun ti'n tcy'ako'ch, cu'x tuj tk'ab xak ex jaw t-sc'o'n jwe' tal abj ktz'umin cyi'j, cu'x tk'o'n tuj tpa, ex xi' tuc'ix ju t-xobl tuj tk'ab ex pon lak'e' twitz aj Filistey.

Xitzun tma'n David te Saúl: —Mi jun ba'n ttzaj baj tc'u'j nok tu'n tlaj aj Filistey lu, porque akine jun ajbel teya Tat Rey, chin xe'le k'ojlel tuc'il.