Popular Bible Verses from 1 Reyes 3

Share

K'ontza nnable tu'n tbant ncawine cyibaj ke xjal etzan tu'na, ex tu'n tel nnic'e ti'j alcye ba'n ex alcye mya ba'n; porque ¿alcye jun jacu bant tcawin cyibaj ke xjal etzan tu'na, nimxix cybet? Chi Salomón.

ja'lo cxel nk'o'ne teya aju ma tzaj tkanina weye. Cxel nk'o'ne tnabla ex tojtzkibla; mi a'l juntl o ten tnabl ojtxi ex mi a'l juntl cxel k'ot tnabl te tibajxi ic tza'n teya.

ex tzaj tma'n te: Tu'nju ma tzaj tkanina jlu weye, ex minti' ma tzaj tkanina tu'n t-xi lak'e' tuj tank'ibla, ex ka tu'n tten tk'inumabla, ex ka tu'n cycyim ke aj k'oj ti'ja, nok o'cx ma tzaj tkanina tnabla tu'n tbinchanteya ti'j cyxtis xjal, ex tu'n tbant tcawina tuj tumelxix

Ex mya nok o'cx jlu, ax icx cxel nk'o'ne teya aju minti' ma tzaj tkanina, cxel nk'o'ne tk'inumabla tuc'ix tajwalila, tu'ntzun mi a'l juntl rey cpol ic tza'n teya tuj tcyakil tank'ibla.

Ka ma tbinchaya aju wajbile, ex ka ma che japun ke nleye tu'na ex ke nmandamyente, ic tza'n o japun tu'n David aju ktzan tmana, cxel nlak'ba'ne tuj tank'ibla, chi Dios te Salomón.

At jun konic'an cub tyec'un tib Kman twitz Salomón tuj witzic' twi witz Gabaón, ex tzaj tma'n Kman te cyja': Kanintza weye alcye taja, jacu txi nk'o'ne teya.

Aya Nman Dios, ma chin oc tk'o'na te rey te t-xel David aju ktzan nmane, masque ma cu'xunx kine ex na'nx tel nnic'e ti'j alcye tu'n nbinchanteye.

Ba'n e'la tuj twitz Kman aju tkanbetz Salomón

Atzunte Salomón xi ttzak'we'n: O tbinchaya nim xtalbil te ktzan nmane David aju tmajena, porque ate David ocslalxix ti'ja ex tz'aklxix ex o bet tuj tumelxix twitza. Cyja'tzun o tbinchaya nimxix xtalbil te, ex ma tzaj tk'o'na ambil tu'n toc jun tcy'ajal te rey te t-xel, ic tza'n ma bant ja'lo.

Pero ma chin cub tene cywitz ke xjal etzan tu'na, akeju ma che jaw t-sc'o'na; jun tnam ma'xix wen, ex tu'nju nimxix xjal, mlay bant cyajlanjtz ex mlay tz'el nic'baj cyi'j jte' cybet.