Popular Bible Verses from 1 Corint 15

Share

Cyja'tzun erman akeye at nc'u'je cyi'je, che we'xixe, mi'n che yucche, cucx che ak'nane tuj tak'un Kajaw; porque ba'n cyu'ne, aju ak'untl in cybincha'ne te Kajaw mya nokx gan.

Pero kk'onx chjonte te Dios tu'nju ma tzaj tk'o'n kipumal tu'n tcub ti'j ku'n nok tu'n Kajaw Jesucrist.

Mi'n che el tzpete ti'j: Ka ma txi cyuc'in cyibe cyuc'il xjal mya ba'n, oc tzacjel cynable.

Pero nok tu'n t-xtalbil Dios ma chin oque apostl; ex mya nokx gan ju t-xtalbil Dios tzaj tk'o'n weye, porque mas ma chin ak'nane cywitz cycyakil; pero mya wu'nxe ma bant, nok o'cx tu'n t-xtalbil Dios at wuc'ile.

Aya camic, ¿jatumtzun ma pon tipumala tu'n kc'ixbisanjtze tu'na? Aya camic, ¿jatum ta' tipumala tu'n tcub ki'je tu'na? Minti'tl tipumala ja'lo, chi tuj Tu'jil. Porque ate il, atzun in k'onte tipumal camic tu'n kc'ixbisanjtz tu'n, ex aju ojtxi ley, atzun in k'onte tipumal il.

Lu cxel nma'ne cyeye jun yol minti'tok bi'n cyu'n xjal: Mya kcyakil ko cymel, pero kcyakil cch'expetel kximlal. Te jurat tu'n kch'expet ic tza'n in mutz'un tbak' kwitz; atzun ko ch'expetel oc tk'ajt mancbil chun. Porque c'oquel k'ajtza'n chun, ex che jawil ank'in ke cyimni, mlay che cyimtl, atzun ke cch'expetel kximlal.

Porque nok tu'n jun xjal tzaj camic, ax icxtzun nok tu'n jun xjal oc che jawil ank'in xjal cyxol cyimni. Porque ic tza'n in che cyim cycyakil xjal nok tu'nju tiyjil Adán ke, icxtzun oc che jawil ank'in cycyakil keju o che ocslan ti'j Crist.

Aju kximlal at ja'lo cnajel, pero ilxix ti'j tu'n toc te ac'aj tu'ntzun mi'n tnaj; ex aju kximlal at ja'lo cymel, pero ilxix ti'j tu'n toc te ac'aj tu'ntzun mi'n tcyim.

Porque il ti'j cucx tu'n tcawin Crist ocxi cycub baj cycyakil ke aj k'oj ti'j tjak' tcawbil. Aju mancbil aj k'oj tu'n tcub xitj, ate camic.