Popular Bible Verses from 1 Corint 13

Share

Aju xjal at tc'ujlalil at tpasens ex in tz'e'y tc'u'j ti'j tuc'il; aju xjal at tc'ujlalil minti' in tzaj tlo'ch tc'u'j ti'j juntl, ex minti' in jaw tniman tib, minti' in baj tyolin tib. At tchi tuj twitz, mya nok o'cx ti'jx toc tc'u'j; mya tx'u'j twi', ex minti' in xi tc'u'n k'oj.

Tcyakil nnic'x tu'n, tcyakil niman tu'n, ex tuj tcyakil ayo'n tu'n, ex at tpasens tuj tcyakil.

Minti' in tzalaj ti'j ju mya ba'n in cybincha'n xjal, o'cx in tzalaj ti'j ju yol ax toc.

Ja'lo cucx tten kocslabl, ex cucx tke' kc'u'j ti'j Dios, ex cucx tten kc'ujlalil; mlay che baj ox lu; pero aju mas ma' t-xilen cyxol jlu, aju kc'ujlalil.

Aju c'ujlalil mlay baj; pero tzul tk'ijlalil tu'n mi'n t-xi kchic'ba'ntl aju in tzaj tma'n Dios ke, ex cwebel tu'n kyolin tuj junxilchak yol, ex cbajel ojtzkibl.

Ka ma ko yolin tuj junxilchak cyyol xjal ex ka tuj cyyol anjel, pero ka minti' kc'ujlalil, ko oquel ic tza'n c'uxbil in tzinun ex ka ic tza'n jun c'uxbil tmoj chnab nim in k'ajt.

Ex ka at koclen tu'n t-xi kchic'ba'n aju in tzaj tma'n Dios, ex ka ma tz'el knic' ti'j tcyakilju yol at tuj ewaj, ex ka ojtzki'n tcyakil ku'n, ex ka at nim kocslabl tu'n tic' jun witz ku'n tu'n tpon tuj juntl lugar, pero ka minti' kc'ujlalil, minti' kajben.

Ex ka ma txi ksipan tcyakilju at ke tu'n cywa'n ke meba, ex ka ma txi kk'on kib tu'n tcub patun kximlal, pero ka minti' kc'ujlalil, minti'lo tajben jlu ke.

Tej c'wa'lxtok ko', in ko yolin ic tza'n ke c'wa'l, ic tten knabl ic tza'n cynabl c'wa'l, ex in ko ximan ic tza'n ke c'wa'l; pero tejtzun xko oc tij xjal, cyaj kk'o'n aju in cybincha'n c'wa'l.