Popular Bible Verses from 1 Crónicas 16

Share

Ckaninxe onbil te Kman aju at tipumal; che lak'exe tuc'il, ex ax che tene.

Cyk'onxe chjonte te Kman, porque puro ba'n te, ex aju tc'ujlalil cucx at te jumajx.

Cyk'onxe chjonte te Kman ex che cubsane twitz. Cyk'manxe ke tbinchben cye tnam.

Che tzalajxe ti'j tbi Dios Xjan, tzalajxwit cyanmi keju in che jyon ti'j Kman.

Cyna'ntze ke tbinchben ma' cyxilen ex nim cyipumal, ex cyna'ntze ke tley tzaj tma'n.

Che bitzane bitz te nimbil te ex che yoline cyi'j ke tbinchben ma' cyxilen.

porque ate Kman ma' t-xilen ex ba'n tu'n tjaw nimset tbi. Mas tu'n kxob twitz cywitz ke mastl cydios xjal.

Cyk'onxe nimbil te Kman tu'nju ma' t-xilen; cyi'ntz cyoyaje ex che lak'etze twitz; che c'ulune twitz Kman tu'nju tbanilxix te ex xjan te.

txolin ti'j tu'n tajwalil ex tu'n t-spic'umal; at nim tipumal ex tzalajbil tuj tnajbil.

Che bitzane te Kman cycyakile akeye najl twitz tx'otx'; cyk'manxe tcyakil k'ij tkanil colbil tu'n

che yoline ti'j tajwalil ex cyi'j ke tbinchben ma'xix cyxilen, cyk'manxe ke jlu cye cycyakil xjal ex cye cycyakil nasyon

Mi'n tz'oc cyk'o'n cyk'abe cyi'j ke xjal sc'o'maj wu'ne, ex mi'n cybinchaye jun mya ba'n cyi'j ke nsanjele.

Ke tilbilal nno'c cydiosin xjal minti' cyajben, atzunte Kman, a o binchante cya'j

Masque ma tzic' jun mil c'loj cyiyjil xjal, pero mlay tzic' tna'l tu'n aju tyol cyaj bant ti'j cyuc'il.

Ba'n tu'n ttzalaj cya'j ex tx'otx'; ba'n tu'n t-xi k'ma'n cyuj ke nasyon: Ate Kman Rey.

Nimanxwit tbi Kman aju Kdios ako' aj Israel, tuj tcyakil tabk'iyil. Che chi, baj cybitzan. Ex cycyakiltzun tnam xjal xi cytzak'we'n: Icxwitju, ex e octzun ten nimsal tbi Kman.

Cycyakile, akeye xjal najl twitz tx'otx', cynimsa'nctze tbi Kman, cynimsa'nctze tbi tu'nju at tipumal ex tajwalil.