Popular Bible Verses from Aj Romab 12

Share

Mitakej c'aslemal jas ri u cholajil tak ri e u chomanic tak ri k'ij junab ri uj c'olic; xane', chiq'uexa' ri chomanic ri i nak'atisam wi iwib rech jeri' quiq'uex ri ruc'axic ri i c'aslemal ri iwuc'am quixcuin c'u che retamaxic u wäch ri u rayibal ri Dios, ri u bixic, ri utz na, ri cakaj chuwäch, ri tz'akat.

Jeri' wachalal, quixinbochi'j pa ri u tok'ob ri Dios chi quijach ri i cuerp pa u k'ab ri Dios, che jun tabal tok'ob cho ri Dios, jun tastalic sipanic, ri c'aslic, ri cäkaj chuwäch ri Dios. Are wa' ri kas k'ijilanic ri quiya' che ri Dios.

Chixquicot pa ri cu'lbal i c'u'x. Chich'ija' ri c'axc'olil. Amak'el chibana' ch'awem.

Match'äctaj rumal ri etzelal, xane' chatch'äcan puwi' ri etzelal ruc' ri utzil.

Chilok'ok'ela iwib chi ix jacha' achalaxelab, chebiyala' tak i k'ij nim c'u chebiwila' wi tak iwib.

Kas chi lok'ok'ela' iwib, man ruc' ta quieb c'uxaj. Chiwetzelaj u wäch ri lawaloyil chitakej c'u u banic ri utzilal.

We cuya', chibana' ronojel ri quixcuin che u banic rech cäc'oji' jamaril chixo'l cuc' conojel ri winak.

Lok'alaj tak wachalal, mitoj u q'uexel ri etzelal xane' chiya' can che ri royowal ri Dios. Tz'ibatal c'ut: “Wech in ri tojow q'uexel, in quintojow na, cächa' ri Ajawaxel.”

Chebicojo tak i chuk'ab mixsak'orinic chipatanij c'u ri Ajawaxel ruc' jun anima' ri carokowic.

Rumal c'u ri tok'ob ri yo'm chwe, quinbij chiwe chijujunal, c'o jun muchomaj chi nim u banic, xane xak jas ri takal che. Chijujunal chichomaj iwib ruc' utzalaj chomanic, jas ri cojonic ri xujach ri Dios chiwe chijujunal, we nim o xa jubik'.

we cäban etzelal chiwe, mitoj u q'uexel ruc' etzelal. Are chicojo' i chuk'ab che u banic utzil chquiwäch conojel ri winak.

Chc'ol xa' jun anima' chixo'l. Mebibanala' nimal. Xane' chiwachilala' iwib cuc' ri man nimak ta qui banic. Michomaj iwib chi c'o i no'j

Xukuje' c'u ne: “Ri u banom u c'ulel chawe we canumic, chaya' ri cutijo, we c'u cachaki'j u chi' chaya' ri caruq'uiaj; jeri' caban na chi cak'ak'ar ri u palaj che q'uixbal.”

Chebitewichi'j ri winak ri quixquic'axc'obisaj. Chebitewichi'j, mibij c'axalaj tzij chquij. Chixquicot cuc' ri quequicotic. Chixok' cuc' ri quebok'ic.

Chebito' ri winak ri e aj Dios pa tak ri qui rajawaxic. Chebic'ulaj ruc' utzil ri quebopan che i solixic.

Je jas jun cuerp e c'o q'ui u tz'akatil. Man conojel ta c'ut xak ta junam ri qui chac, je c'u ri' ri uj, pune' sibalaj uj q'ui xa' uj jun cuerp pa ri Crist kanuc'ulam c'u kib jacha' uj u tz'akatil xa' jun cuerp.