Popular Bible Verses from Aj Romab 10

Share

We cak'alajisaj ruc' ri a chi' chi ri Jesus are ri Ajawaxel, xukuje' we cacoj ruc' awanima' chi are' ri Dios xc'astajisan chquixo'l ri cäminakib, catcolotaj na.

Ruc' ri anima' caban wi ri cojonic che ri suq'uil; ruc' ri chi'aj caban wi ri k'alajisanic che ri colobal ib.

Rajawaxic chi jun winak nabe cutatabej na jun tzij rech cäcojonic. Ri tzij ri cutatabej, are ri u tzij ri Crist.

Are c'u ri Tz'ibatalic cubij: “Conojel ri quecojon che ri are', man quel ta na qui q'uixbal.” Man c'o ta c'u jalbem ib chquixo'l ri aj judeyib cuc' ri man aj judeyib taj, kas are' c'u ri Ajawaxel are' Cajaw conojel, cäyan c'u ruc' telechinic chque conojel ri quek'ijilan che. Tz'ibatal c'ut: “Conojel ri cäquita' ri u to'banic ri Ajawaxel, quecolotaj na.”

¿La cuya' lo quebe che u tzijoxic ri colobal ib we man quetak bic? Jas ri tz'ibatalic: “¡Sibalaj je'lic ri copanem ri queyo'w u bixic ri utzalaj tak tzij!”

We c'u man e cojoninak che ri Ajawaxel, ¿la quecuin ta c'u lo ri' cäquita' ri u to'banic? We man qui tom, ¿la quecuin ta c'u lo ri' quecojonic? ¿Jas ta cäquiban che u ta'ic we man c'o jachin cätzijon chque?

Cätz'akat c'ut ri pixab ruc' ri Crist, rumal ri' cuban suc' chque conojel ri c'o qui cojonic.