Popular Bible Verses from Ro 7

Share

Jak'a kan ninmatioxij chire ri Dios chi ri qajaw Jesucristo xirukol. Y rik'in ri nuch'obonik ninsamajij ri Dios, jak'a ri itzel taq rayibel ri xbanon chuwe chi ninsamajij ri mak.

Yin xa in jun wineq ri man jun utz k'o pa nuk'aslen. Ninwajo' ninben ri utz, jak'a xa man yitikir ta.

Stape' ja ri utz ri ninwajo' ninben, man ninben ta. Y ri mak ri man ninwajo' ta ninben, xa jari' ri ninben.

Roma ri' xinbij yan chi man nuyon ta yin ri yibanon ri mak, roma kan man ninwajo' ta ninben. Xa ja ri mak ri k'o pa wánima jari' ri nibanon chuwe.

Y yin nintz'et chi jantape' keri' nibanatej. Roma toq ninwajo' ninben ri utz, chi'anin niq'alajin-pe ri mak ri k'o pa wánima. Ri wánima kan yalan-wi nikikot rik'in ri rupixa' ri Dios.

Ri mak ri ninben, kan man niqa' ta chinuwech, y re' nuq'alajirisaj chi ri pixa' kan utz wi.