Popular Bible Verses from Pro 1

Share

Ri wineq ri kan k'o rukiy ri Dios chuwech, chiri' k'a xtipe-wi ronojel ri runa'oj ri nik'atzin chire. Jak'a ri wineq nakanik kan nrixowaj ri na'oj y ri tijonik. Kan jebel k'a tiya' ixikin rix alk'ualaxela', chire ri tijonik richin ri itata', y man tiwixowaj ri nuk'ut chiwech ri ite'.

Roma ri wineq ri man k'iy ta retamabal y man niniman ta tzij, xa jari' ri xtikamisan richin, y ri maneq runa'oj y nuben ri achike niqa' chuwech rija', ruyon rija' nuqasaj ruq'ij. Jak'a ri wineq ri kan nuben ri nubij ronojel re na'oj re', kan kuqul k'a ruk'u'x xtik'ase', kan k'o k'a uxlanen pa ruk'aslen, y man nuxibij ta ri' chi k'o ta nuk'uluwachij.

Ri aj-na'oj ri kan nrak'axaj re', ri retamabal nibe más pa jotol, y ri kan niq'ax chuwech, kan xtretamaj k'a ri achike ruk'amon chi nuben.

Rix alaboni', wi ri e banoy etzelal nikajo' chi yixok ta kachibil, rix kan man tiwajo' chi yixbe kik'in.

Re etamabel taq tzij re' e richin ri Salomón, ri ruk'ajol kan ri David y rey pa ruwi' ri tinamit Israel. Re etamabel taq tzij re' richin chi ri wineq nril na'oj y etamabel, richin chuqa' chi ri wineq niq'ax chuwech ri ch'abel ri nima'q ye'el-wi. Re' kan richin k'a chi ri wineq nik'ase' rik'in etamabel nik'ase' pa ruchojmilal, utz y kan pa rubeyal nuben kik'in konojel. Re' chuqa' kan richin chi ri maneq ok ketamabal ye'ok nowineq, richin chi ri k'a e ak'uala' na nik'oje' ketamabal y nikiya' rukojol ri utz y ri man utz ta.

Y jari' toq rix kan xkiniwoyoj richin yixinto', jak'a yin man xkiniman ta chiwe; k'ari' toq rix xkinikanola' y xa man xkiniwil ta chik. Y kere' xtik'uluwachij roma xa xiwetzelaj ri tijonik, y roma chuqa' kan maneq chik rukiy ri Dios chiwech.