Popular Bible Verses from Nah 3

Share

Toq'ex awech, rat Nínive roma kan at kamisanel. Y kan xaxe tz'ukun-tzij naben. Y at nojineq rik'in q'oloj, y kan man yatane' ta chubanik ri eleq'.

Rat Nínive kan maneq chik raq'omal ri asokotajik; ri sal ri k'o chawij kan man jun nitikir nik'achojirisan. Konojel k'a ri ye'ak'axan chi rat natej poqon kan nikipaq'apa' k'a ri kiq'a' chawij roma kikoten. Roma konojel winaqi' richin ri ruwach'ulew kitijon poqon pan aq'a'; konojel xkina' yan ri awetzelal ri man k'isel ta.

Konojel k'a ri xketz'eton awichin xke'animej chawech; Xkesik'in y xtikibij: ¡Ri Nínive xa xwulatej! ¿Achike k'a xtijoyowan ruwech? ¿Achike k'a xtikuquban ruk'u'x?, xkecha'.