Popular Bible Verses from Mt 18

Share

Roma xabakuchi k'a ri kimolon-ki' ka'i-oxi', wi kan pa nubi' yin kimolon-wi-ki', kan ink'o k'a pa kinik'ajal, xcha' ri Jesús.

Chuqa' ninbij chiwe: Wi chuwech re ruwach'ulew ek'o e ka'i' chiwe rix ri junan kiwech richin chi nikiben xabachike k'utunik chire ri Dios, ri nata' Dios ri k'o chila' chikaj kan xtuben k'a ri nik'utux chire koma ri e ka'i' winaqi' ri'.

Ri Jesús kan xroyoj k'a jun ti ak'ual, y xuya' ri chiri' pa kinik'ajal. Y xubij chike: Kan qitzij k'a ninbij chiwe, chi wi rix man nijel ta ri ich'obonik, y man yixok ta achi'el re ti ak'ual re', man xkixok ta pan ajawaren.

Xaxe k'a ri nuqasaj-ri' achi'el re jun ti ak'ual re', jari' ri más nim ruq'ij chupan ri aj-chikajil ajawaren.

Xabachike k'a chiwe rix ri xtuk'ul jun ak'ual pa nubi' yin, kan achi'el ja ta yin ri xkiruk'ul, xcha' ri Jesús.

Y kan qitzij wi k'a chi ronojel k'a ri xtiya' q'ij ri niban, chuqa' ri Dios xtuya' q'ij richin niban; y ronojel k'a ri man xtiya' ta q'ij, chuqa' ri Dios man xtuya' ta q'ij chi niban.

Kan keri' k'a xtuben iwik'in rix ri nata' ri k'o chila' chikaj, wi man rik'in ta ronojel iwánima nikuy kimak ri iwach'alal toq k'o itzel nikiben chiwe, xcha' ri Jesús.

Xabachike k'a wineq ri xtibanon chi nimakun ri más ruqasan-ri' chike ri yetzeqeliben wichin, ri nibanon ri etzelal ri', más ta utz xa nixim-el chuqul jun nimalej abej richin ke'en, y keri' nik'aq chupan ri palou.

¿Achike ta nich'ob rix pa ruwi' jun achin ri ek'o wok'al rukarne'l y nisach ta kan jun? ¿Man kami yeruya' ta kan ri ch'aqa' chik pa kisoq'olbal, y nibe chukanoxik ri jun sachineq kan?