Popular Bible Verses from Job 11

Share

Kan man jun k'a xtibanon chawe chi axibin ta awi'. Xa kan kikoten awoyoben-apo ri peteneq. Kan ja ri Dios xtichajin awichin y kuqul ak'u'x xkawer.

Xa ta rat najech jumul ri awánima chire ri Dios, y nayuq ri aq'a' richin naya-apo pa ruq'a' rija'. Wi kan ye'aben k'a ri itzel taq rayibel ri yepe awik'in, katane' chikibanik; y man taya' q'ij chi nuben-qa rusok chupan ri ak'aslen. K'ari' kan man xkak'ix ta chik; xa xkatikir k'a xtayek ri ajolon rik'in ch'ajch'ojil, y xtik'oje' awuchuq'a' y man xtaxibij ta chik awi'.

Keri' kan xtamestaj k'a ronojel ri q'axomal ri xak'owisaj, roma xa kan xq'ax k'a achi'el niq'ax ri ya' richin jun raqen-ya', xa choj chik xtanataj. Ri ak'aslen kan más q'alaj ri xtuben, xa kan achi'el ri saqil ri pa nik'aj-q'ij. Y stape' niq'equmatej-pe chupan ri ak'aslen, rat kan xtana' chi achi'el xa niseqer-pe chawech.