Popular Bible Verses from Santiago 2

Share

Y keri' chuqa' wi nabij chi kuqul chik ak'u'x rik'in ri Dios, jak'a xa man naben ta ri utzilej banobel, xa man jun k'a nik'atzin-wi ri nabij.

Achi'el jun ch'akulaj ri man k'o ta chik ri espíritu rik'in xa kamineq chik, keri' chuqa' ri kuqubabel-k'u'x wi man ruk'uan ta utzilej taq banobel.

Wach'alal, wi k'o jun ri nibin chi kuqul chik ruk'u'x rik'in ri Dios, y xa man nuben ta ri utzilej taq banobel, kan man jun k'a nik'atzin-wi ri nubij keri', roma jun kuqubabel-k'u'x ri keri' xa man xtukol ta ri wineq.

Rat nanimaj chi kan xaxe jun Dios k'o. Ri' kan yalan utz. Jak'a man xaxe ta ri' ri nik'atzin. Roma ri itzel taq espíritu chuqa' kan nikinimaj chi kan xaxe jun Dios k'o, y kan yebaybot chuwech roma xibinri'il.

Rik'in juba' k'o ta jun nibin chire jun chik: Rat k'o ri akuqubabel-k'u'x, y yin ninben ri utzilej taq banobel. Tak'utu' k'a chinuwech ri kuqubabel-ak'u'x ri man rik'in ta utzilej taq banobel. Jak'a yin ninbij chawe chi rik'in ri ninben ri utzilej taq banobel, yitikir nink'ut chi qitzij kuqul nuk'u'x rik'in ri Dios.

Roma wi man xtijoyowaj ta kiwech ri ch'aqa' chik winaqi', ri Dios man xtujoyowaj ta chuqa' iwech rix chupan ri q'ij toq xtuq'et-tzij. Jak'a wi xtijoyowaj kiwech ri ch'aqa' chik, xkixch'akon, roma ri Dios chuqa' xtujoyowaj iwech rix chupan ri q'ij ri'.

Wawe' niq'alajin chi ri Dios nuk'ul jun wineq man xaxe ta roma ri rukuqubabel-k'u'x, xa kan nik'atzin chuqa' chi nuben ri utzilej taq banobel achi'el nubij ri rukuqubabel-k'u'x.

Ri Abraham kan xuk'ut chi ri rukuqubabel-k'u'x y ri utzilej taq rubanobal kan junan xebiyin. Keri' ri rukuqubabel-k'u'x xtz'aqet rik'in ri utzilej taq rubanobal.