Popular Bible Verses from Ez 37

Share

K'ari' ri Jehová xubij chuwe: Kach'on kik'in re baq re' y taya' re jun rutzijol re' chike: Rix ri ix chaqi'j taq baq, tiwak'axaj ri nuch'abel yin Jehová. Xtinben k'a chiwe richin xtik'oje' chik ik'aslen richin chi xkixk'ase' chik q'anej.

Kan xtinya' k'a paten-iboch' chiwe y xtinben k'a chi xtik'oje' chik ich'akul y ri itz'umal. K'ari' xtinya' chik jun bey ik'aslen richin xkixk'ase'. K'ari' k'a xtiwetamaj chi ja yin Jehová, xcha'.

K'ari' xuk'utuj chuwe wi ri chaqi'j taq baq ri' nik'oje' chik kik'aslen. Y yin xinbij k'a chire: Wajaw, kan xaxe rat at etamayon ronojel re', xicha'.

Ri Jehová xuya' ri ruq'a' pa nuwi' richin xiruk'uaj-el pa jun achi'el achik' pa jun taq'aj kojol juyu' ri akuchi nojineq rik'in baq kichin winaqi'. Y ri baq kan janila k'iy, kan kinojisan k'a ri taq'aj kojol juyu' y kan e chaqi'j e chaqi'j chik. Y ri Dios xuben k'a chuwe richin xiq'axlan chikikojol ri baq ri'.

Yin xinbij k'a chike ri baq ri' achi'el xubij-pe ri Jehová chuwe. Y rokik k'a yich'on kik'in, jari' toq xinwak'axaj chi ri baq yeq'ajan richin xkitunula-ki'. Y xintz'et k'a chi xek'oje' paten-iboch' chikij, kich'akul y kitz'umal, jak'a xa man jani k'o kik'aslen.