Popular Bible Verses from Ecl 5

Share

Man k'a tabij ch'abel bin man bin. Man jun tasuj chi'anin chire ri Dios, roma rija' kan chila' chikaj k'o-wi y nrak'axaj, y rat xa at jun ri xa chuwach'ulew atk'o-wi.

Keri' chuqa' chike konojel winaqi', ri Dios kan ruya'on méro, xoral y ulew, y nuya' chuqa' q'ij chike richin chi chiri' nipe-wi ri nikitej. Jari' ri kan kichin rije' y kekikot rik'in ri kisamaj roma kan rik'in ri Dios e peteneq-wi.

Ri kan beneq ránima rik'in ri méro jantape' nrajo' más, ri najowan richin ri beyomel xa man jun nuk'en-pe chire. Chuqa' ronojel re' xa kan q'axel chuwech re ruwach'ulew.

Toq yabe pa rachoch ri Dios kan taya' k'a rejqalen ri akuchi atk'o-wi; kan kajel k'a apo richin más nawak'axaj ri tijonik richin ri ruch'abel ri Dios, roma jari' ri más rejqalen ke chuwech ri nikiben ri nakaneq taq winaqi' ri yekisujula' kamelabel y man ketaman ta chi xa itzel ri yetajin chubanik.

Toq rat k'o nasuj chire ri Dios richin naben, man k'a kayoke' richin naben, roma rija' kan man niqa' ta chuwech ri k'o nikisuj y xa man nikiben ta. Man k'a taben achi'el nikiben ri nakaneq taq winaqi'.

Más ruk'amon ri man jun nasuj, ke chuwech ri k'o nasuj y xa man yatikir ta naben ri xasuj.

Jun choj samajel kan ki-ki' ri ruwaran, stape' jebel xwa-qa o xa juba' ok ri xutej-qa; jak'a ri beyom ja ronojel ri k'o rik'in ri man niya'on ta q'ij chire chi niwer jebel.

Y k'o chuqa' jun chik ri nutz'eton; chi ri wineq toq nalex, kan ch'anel peteneq. Kan keri' chuqa' ch'anel ri xtitzolin, y man jun k'a chire ri xuch'ek chire ri kow laj taq rusamaj ri xerubanala' ri xtuk'uaj ta el toq xtiken.