Popular Bible Verses from Ecl 1

Share

Y keri' toq k'iy chik na'oj k'o awik'in, re' xa man nuben ta chawe chi nikuqer ak'u'x rik'in ri nach'ob. Y ri nuya' chik q'anej más etamabel pa ruwi' xa nuk'en-pe janila q'axo'n chire.

Ri banobel ri xeq'ax yan, xkebek'ulun chik pe Ri banobel ri xeban yan ojer, xkebanatej chik ri chiqawech-apo. Xa man jun ri k'ak'a' ta ri nibanatej chuwech re ruwach'ulew.

Ronojel ri k'o xa kan k'o kosik ri ruk'amon-pe y ronojel re' ri wineq man tikirel ta chuwech chi nutzijoj; ri wineq xa kan nurayij ruwech ronojel ri nutzu' ronojel ri nrak'axaj kan nurayij-qa.

Ronojel xa nik'is, ronojel xa q'axel, keri' nubij ri ch'abaliy ruch'abel ri Dios, ronojel xa nik'is, ronojel xa q'axel. Kan ronojel-wi q'axel. Roma, ¿achike ta k'a nuch'ek jun achin ri janila nisamej chuwech re ruwach'ulew chuxe' ri ruk'atanal ri q'ij?

Xintz'et k'a ronojel ri samaj ri niban chuwech re ruwach'ulew chi maneq rejqalen. Xa man yatikir ta nawil ri nawajo', xa kan achi'el ta nawajo' nachop ri kaq'iq'.

Qonojel roj winaqi' kan yojken k'a el, y ek'o k'a ri ye'alex, jak'a ri ruwach'ulew man jun bey xtijalatej.

Ronojel ri banobel ri xeq'ax yan xa man ye'oqaqa ta chik chiqak'u'x, y ronojel ri banobel kichin ri winaqi' ri xkepe chiqawech-apo xa man xtoqaqa ta chikik'u'x ri winaqi' ri xkek'oje' kan chikij rije'.

Kan xinjech k'a wi' richin xinwetamaj rukojol ri na'oj y ri ch'ujerik. Xintz'et k'a chi ronojel q'axel y xa man yatikir ta nawil ri nawajo', xa kan achi'el ta nawajo' nachop ri kaq'iq'.