Wi k'o ta jun achin ri nibek'ulun-pe chi'ikojol y nubij chi rija' jun q'alajirisey ruch'abel ri Dios o achik'anel y k'ari' nubij ta chiwe chi kan xkebanatej nima'q taq banobel ri man jun bey e tz'eton, y kan yebanatej k'a ri nima'q taq banobel ri' y k'ari' nubij ta chiwe: Jo' keqatzeqelibej ri ch'aqa' chik dios ri xa man jun bey e iwak'axan y qojxuke' chikiwech y tiqaya' kiq'ij xticha' ta chiwe, kan man tinimaj k'a rutzij jun wineq keri'. Roma ri Jehová ri qa-Dios xa yixrutejtobej richin nutz'et wi kan qitzij niwajo' rija' rik'in ronojel iwánima, chupan chijun ik'aslen.