Popular Bible Verses from Rom 2

Share

Kin dac pejig8an kitaji inakamigizinan ka iji onenimad8a kodagiag a8iagog egi panaage8adj. “Ka8in niga tibakonigosi Kije Manido” kidinendan na? Kitci kije8adizi Kije Manido acitc cacibendagozi acitc ka8in teci8ag pajacteo8esi. Mi na dac 8edji manenimadj iidi e inadizidj? Kikikenimadok iidi eji kije8adizidj kidji gi odji an8endizo8an.

Kin ka onenimad8a kodagiag a8iagog, ka8in kigagi nak8itamadizosi apitc inactaonigo8an egi panaagean, adigotc eji aiaa8ian. E onenimad8a mega kodagiag, kidiji 8abadai8e egi panaagean kekin. Maia mega kekin kidinakamigizinan igi8e ka todamo8apan ka onenimad8a.

Kakina mega a8ian pejig8an otoda8an Kije Manido.

Ka8in eta ogagi motci ndotasinan a8iag ini Inakonige8inan kidji k8aiak8abamigodjin Kije Manidon. Panima ki nosoneagin kicpin nda8endag kidji k8aiak8abamigodjin.

Oga tibakonan pepejig a8ian adi kagi inakamigizindjin.

Kodagiag dac a8iagog ka8in o8i ndota8asi8a8an Kije Manidon, acitc ka8in o8i nosoneasina8a teb8e8ini, acitc motci madji inakamigizi8ag. 8ina8a dac, Kije Manidon oga sogi pajacteogo8an.

Anic dac kicibictig8ane acitc ka8in ki8i an8endizosi. Midac 8edji nda kackitamadizo8an kidji kitci sogacteok Kije Manido apitc odjitcisenig kidji 8abadai8edj e nickiigodjin a8iagon ka panaagendjin acitc odjitcisenig kidji k8aiak8akonadjin.