Popular Bible Verses from 1 Korénito 13

Share

Wàéni ê pai pwa wàra ê pimeaari: Jè pidàpwicâarijè. Jè pitu tà pàra tàpé. Câjè caa tèpa piboo. Câjè caa pi-ina kâjè. Câjè caa tèpa maina nüma. Câjè caa pwa-imudiri muru. Câjè caa piniimirijè co. Câjè caa tèpa putàmu. Câjè caa tèpa tà niimiri na èpà naa na pwâranümajè.

Jè nye ciburà cèikî. Jè nye ciburà tapacîri. Jè nye ciburà kakeri. Â càcaa oratâjè goo.

Wàéni ê pimeaari: Na jè ipwàdée goro ê âjupâra; â jè pikîri goro ê pwina càcaa *tàrù.

Tâa tâjè pâ muru na âracié: Ê cèikî, ê pitapacîri, bau ê pimeaari. Â wà pimeaari, na dau maina naa nadàpàra. Nabwé!

Dà na ée mwa tâa dàra gòiri awé? Nye ê pimeaari! [O nye cau tiàu pâ âraimeai]: O nye tiàu tèpa *péroféta. O nye tiàu pai pipa popai naa pwâratùra na ité. O nye tiàu pai tâmogòorimuru.

Wiàna go pwa pâ pairi pâ âboro diri, ma pâ pai tèpa *angela, â wiàna ticè pimeaari gooò, â nye po pwa aio co, pwacèwii kilo, é, târa ilò na é tûu.

Wiàna go pame popai kà Pwiduée; wiàna go tâmogòori diri pâ muru ni gòropuu, pâ muru na tâa na wâbinyiri; â wiàna ticè pimeaari gooò, â nye piticèmuru naa gooò. Wiàna dau maina cèikî kôo, ma go pagù pâ jaa, â wiàna ticè pimeaari gooò, â nye piticèmuru naa gooò.

Wiàna go naa diri pâ neemuruô tà tàpé na ticè kàra; â wiàna go panuâ naiio ba na go pi-ina kôo, â wiàna ticè pimeaari gooò, â nye piticèmuru naa gooò.

Na go bwaa èpo, â go tùra pwacèwii nari èpo, â go niimiri pwacèwii nari èpo. Ûna go jèe maina, â go naaco diri pai pwa kâra nari èpo.