Ramhen kɨn yame Nəkwəkwə kape Kughen ramni mɨmə,
“Mərɨg narmamə yamə mɨne kɨshatətə ye Kwən a,
to khapəh nɨsaurɨsien nɨpɨg tuksərer ye nɨmrɨ Kughen.”
Nəgkiarien e in kape narmamə m-fam, nar apnapɨg kwənərəus kape Isrel uə nəmə tanə pɨsɨn pɨsɨn mɨnə, meinai Yermaru kɨrikianə əmə e ramarmaru mamautə-pə kɨn kafan nɨhuvəyen kɨmi narmamə m-fam yamə mɨne kɨsaiyoh-pən kɨn. Rəmhen kɨn yame Nəkwəkwə kape Kughen ramni mɨmə,
“Narmamə m-fam yamə mɨne kasokrən kɨn Kughen Yermaru mə tukrɨvəh mɨragh əriə,
In tukrɨvəh mɨragh əriə.”