Popular Bible Verses from Ap 22

Share

Naqayem jo'ne alfa nataq'aen da'me omega, jayem jo'ne je'uaechiñe nataq'aen naqayem jo'ne jep'ategue, jayem jo'ne lamo nataq'aen jayem loiquiaqa' ena'uac.”

“Eja da'me jayem paja'a 'ñiyelaĝaquena, qama'le ñachetac ga'me nomataĝanaĝac jo'ne janema jogaa'me onolqa'tape gaa'me jiyaĝa'u, ga'me nalo'taita jogaa'me onolqa'tape jo'ne mach'e 'lonataqa.

Joñe'me Dios Lepaqal nataq'aen jañe'me jo'ne jetaque en loua ñe'me 'Naĝanaĝate Lec'oĝot enaac: —¡Auanaequena! Da'me ami jo'ne jayem auomachiiya, aueñeetac: —¡Auanaequena! Joga'me jo'ne yelinquip, qa'a 'uo da'me lamaic da'me jayem nec'ata, qama'le 'noota qom niyomigui jenjo' noĝop jo'ne 'uo da'me nec'alaĝa, jena'me noĝop jo'ne ja qodicot.

Made'tape jogaa'me jo'ne yiyo'y joga'me louo, qa'a nach'egaua jo'ne yauata da'me 'uo da'me ladiquiyaĝa'j q'aen jaga'me epaq jo'ne 'uo da'me nec'alaĝa choqoda'me e'n yaqanate't da'me tado'uet q'aen joga'me najom ga'me noic.

“Chane'eja da'me jayem paja'a da'me yitaĝa 'ñiyelaq qomle, qama'le matac ga'me jo'ne yoqocha'alo naa'me 'naqataqa jo'ne napaĝaguenataĝanaĝaco, naa'me jo'ne qoyedidiñe 'me uetedalegue janjo' nede.”

Di'me 'nachaqa' jo'ne qaya'te pi'yaq, chane'eja jogaa'me jo'ne neteda'ña ja youetedaque ga'me lauaq jaga'me coyadaĝanaqate, uotaĝa ga'me ajeua lauaq, qa'a joñe'me Dios jo'ne Jaliaĝanec nach'eñe jo'ne yanema da'me yoqochiñe, qama'le nach'e ena'am da'me en uetedaue da'me lejaliaqa' yemeda naa'me 'uoidi.

Joñe'me jo'ne 'yaĝatetac da'me dojo', eetac: —Eja da'me jayem paja'a da'me 'ñiyelaĝaquena qomle. Qama'le nach'e naq'aeta da'me dojo'. Am Jaliaĝanec Jesús, ¡Auanaequena! 'Noota qom joñe'me Jaliaĝanec Jesús male yecodegue da'me lichoĝodenataĝanaĝac, ami yachalo'te, ena'uaque da'me ami.

Yemeda da'me ami jo'ne anaquiaĝañiyalo naa'me 'naqataqa jo'ne napaĝaguenataĝanaĝaco 'me qoyedetedalegue janjo' nede: male ami jaqataĝanaĝana'aque da'me qom 'uo ga'me anoqoteñegue naa'me naajo' 'naqataqa, qama'le Dios nach'e ena'am da'me en yaguegue qomle da'me en ane'uaĝanaguequi q'ae'n jogaa'me napite'nadi' jo'ne nach'egaua 'me qoyedetedalegue janjo' nede. Qama'le nach'e ena'am qom 'uo ga'me jo'ne doĝotaĝaneque gaa'me 'naqataqa jo'ne napaĝaguenataĝanaĝaco 'me qoyedetedalegue janjo' nede, qama'le joñe'me Dios nach'e ena'am da'me doĝotaĝanec qomle jaga'me epaq jo'ne 'uo da'me nec'alaĝa, chayovida'a da'me ja yaqanatet ta'le taue joga'me noic jo'ne ja 'nalegue, uotaĝa ta'le yauanalo daa'me uo'oe jo'ne qoyedetedalegue janjo' nede.