Popular Bible Verses from Ap 20

Share

Chane'eja dia'me napa'lpi nach'e ena'am da'me qoyajaĝadiñgui ga'me dole', ena'uaque dia'me jo'ne qaya'te lenaĝa't ta'le uedalegue da'me qoyedidiñe jaga'me nede jo'ne nedaĝalate jena'me qonec'alaĝatedegue.

Qama'le nach'e ena'am jauanalo dia'me napa'lpi jo'ne 'yaĝaiquipi nataq'aen dia'me jo'ne ja 'yaĝaiquipi, da'me nechatetedañe, dajotedo'ot joñe'me Dios. Ua'a qanach'e qo'youachiguilo jogaa'me nedel, chaqaga'me nede laqaya jo'ne nach'ega 'me nedaĝalate jena'me qonec'alaĝatedegue. Chane'eja dia'me napa'lpi male qonaloqote'n: male qoyec'ate'n naa'me joote qoyedidiñe jo'ne uetedalegue jogaa'me nedel jo'ne chiyaqayilo jogaa'me mach'e 'lonataqa, da'me qaedi qoyejete'n.

Qama'le jaga'me qa'em lat'edai nach'e ena'am da'me yaneua'alo joga'me mach'e uetedañgui jo'ne napa'lpi, choqoñe'me lejaliaĝanec da'me neleuaĝa nataq'aen jañe'me necoñetaĝanaĝaiqui' ga'me napa'lpi nach'e ena'ama yaneua'alo gaa'me jo'ne uetedaue, qama'le nalo'ta't qoyen yema da'me 'uo da'me nec'atenague'j, onolqa'tape naa'me jo'ne mach'e chiyaqayilo jogaa'me mach'e 'lonataqa. Yem da'me dojo', qama'le joñe'me lejaliaĝanec da'me neleuaĝa chaqañe'me necoñetaĝanaĝaiqui' ga'me napa'lpi male nach'e ena'ama da'me qoyajaĝadiñgui jaga'me limaĝañi jo'ne uetañgui ga'me dole' let'adaic, jo'ne nach'ega 'me neleuaĝa jo'ne p'ategue.

Nataq'aen jauana jaga'me je'onaĝaiqui lat'edai jo'ne pagaĝai choqoñe'me jo'ne netañgui. Mane'e ca'li naloĝola't joñe'me, qama'le jena'me aleua choqodi'me piyem male nelagaĝa'tape, qama'le nalo'ta't da'me yapalaĝat, ja yitaĝa ta'le qoyauanalo.

Mane'e qomle yenoĝodegue joga'me mil 'uoidi, qama'le ñe'me Satanás male yitaĝa qoyachiyoĝotaue da'me necoñetaĝanaĝaiqui da'me male yitaĝa qoyejoye, qama'le nenoĝojeguem qaedi yitaĝa yoqovi'n joga'me jiyaĝadipi jo'ne uetedalegue jena'me aleua, chayovida'a naa'me lael jo'ne cuatro, ga'me jiyaĝadipi let'adaic jo'ne lenaĝat da'me Gog nataq'aen joga'me Magog. Qama'le yemata'a't ena'uac qaedi yauote ga'me nalada't. Yataqachiñe jalcote joga'me jiyaĝadipi, ena'am jena'me pogaĝanaĝa 'me ueta'ña na'me loogue jana'me qa'em lat'edai.