Popular Bible Verses from Heb 6

Share

Jenjo' qadeuataqataĝanaĝac naqaeda da'me qo'mi 'yañaĝachidiñe qaedi nach'e eta't da'me qo'mi t'añi'y, ena'am joga'me lequet jaga'me licota da'me qoyecoñeteguet ga'me cadeena jo'ne laicaua qaedi nach'e eta't en namachiñe. Chane'eja da'me qadeuataqataĝanaĝac ena'am ta'le 'youategue joga'me ualoĝo lae jo'ne lapadenaĝat ga'me tamenaĝaiqui 'me na'ague di'me piyem qaedi male jenoĝonaĝauo'o.

Qa'a ñe'me Dios nach'eñe jo'ne ja 'nalegue, qama'le ja yapalaĝate'ta da'me at'onataqadi' choqoda'me adoqopich'ii jo'ne joote aualoĝoñiya joñe'me, da'me alecochiiyapegalo jogaa'me adayii jo'ne yataqatelo'te adepi'iyaĝa'u, nach'eda da'me jo'ne maliaĝa a'vichetac.

Ñe'me Dios ja doqovinaĝan, qama'le uo'oe naa'me naajo' jo'ne dos 'me ja yitaĝa ta'le 'uo ga'me dalaĝaic: nach'ena jo'ne Dios joote qo'mi yaloĝonalo choqoda'me 'laqatac joñe'me jo'ne 'naĝatelegue. Chane'eja da'me qo'mi, 'uo da'me qat'añaĝac jo'ne chimaqachiñe, da'me qo'mi jo'ne jeloqotaque da'me qo'mi de'uolo'te joñe'me Dios, nataq'aen da'me jaconaĝaguet da'me neuataqataĝanaĝac jo'ne qo'mi yanema joñe'me.

Chane'eja da'me qo'mi jo'ne joote jaconaĝaguet da'me napaĝaguenataĝanaĝac jo'ne 'uaechiñe 'me 'yaĝatetac ñe'me Cristo, 'noota qom ja jaqapiyaĝañi, dite da'me qolaqa'tegue da'me qadepe'e ladic chayovida'a qom jovidaqa'a da'me male qo'mi yajo't. Ja yitaĝa ta'le ji'iyelaĝajoĝolegue da'me ja'aĝataqatac da'me ladic ga'me jiyaĝaua da'me ca'ae gaa'me loeco jo'ne yauetegue da'me neleuaĝa, uotaĝa ta'le yitaĝa ja'aĝataqatac da'me eeta da'me qadepi'iyaĝac.