Popular Bible Verses from Gl 4

Share

Qama'le nayi queda'me ena'am ta'le yataqachiñe qo'mi lec'oqo'tolqa, Dios namaĝaquena ñe'me Lepaqal 'me ja 'nalegue jo'ne chiyaqayi ñe'me mach'e Lec'oĝot qaedi qo'mi uetauelo. Qo'che' nale ñetamenoqot ñe'me Dios, ñe'me Lepaqal qo'mi yaje'tema da'me jiyaĝanoqot: “Am Qadet'a 'me am qadoqopita.” Chane'eja ami male ja aueñiya'ama jogaa'me nelataqapi, dite da'me yataqachiñe lec'oqo'tolqa ñe'me Dios, qama'le queda'me ami lec'oqo'tolqa, male chimaqachiñe ta'le nach'e ena'am auacoñiyeguet da'me leuoyaĝac joñe'me.

Qalaĝaja ca'li yovita ga'me nolo' 'me laloqo' q'aen ñe'me Dios, ñe'me namaĝaquena ca'li ñe'me C'oĝot, jo'ne na'ya q'aen jaga'me yauo da'me niyiñe qama'le yaconegueta nataq'aen que'teguelo jogaa'me namaĝajoĝonaĝaco jo'ne qoyanema gaa'me judiopi. Dios namaĝaquena ñe'me Lec'oĝot qaedi qo'mi jo'ne joqochaĝalo daa'me namaĝajoĝonaĝaco male yejodegue. Yem qama'le qo'mi yanema da'me lec'oĝochiyaĝac qaedi ena'am ta'le yataqachiñe qo'mi lec'oqo'tolqa.

Qalaĝaja nayi male auatetoñi ñe'me Dios, uotaĝa chimaqachiñe da'me jenaac: Dios male ami yateto'n. Qo'che' ja jayem 'te taue da'me toqoch'e anajeñe'teguet da'me yitaĝa ami yaue'j jogaa'me qop'iyapegalo jo'ne mach'egaua qaya'te lañoqotaĝanaĝa'j uotaĝa lajo'viyaĝa'j.