Popular Bible Verses from 1 P 3

Share

Nach'edata da'me a'nonaĝachiyegui joñe'me Cristo mach'e Adejaliaĝanequi. Nataq'aen nach'e eta't aniyamaĝacheta't da'me a'uachiyegueta ena'uaque gaa'me jo'ne denataĝatapelegue da'me jo'ne adeuataqataĝanaĝaqui 'me joote ami uetauelo. Qalaĝaja 'noota qom aueñe'tem ta'le qaya'te adi'yoĝodiqui nataq'aen da'me ami machidiñe. Nataq'aen da'me aueñi da'me adelnataĝaqui jo'ne 'uo da'me 'nemaĝac, qaedi gaa'me jo'ne ami ye'ue'tape yajouaĝat da'me auep'iiya'a joñe'me Cristo, mach'e nepocoĝolo'te jo' qomle naa'me mach'e 'laqataqa.

Qa'a joñe'me Jaliaĝanec netelalo jogaa'me jo'ne yataqatelo'te Nataq'aen da'me naquiaĝanalo gaa'me netamenaĝaco, Qalaĝaja nautenalo jogaa'me jo'ne 'yetetedac da'me ja no'en.”

Nach'e ena'ama jogaa'me a'netaqachidi', ena'te aueñi p'ajaye da'me auepaĝañedegue jogaa'me auauoyapiye jo'ne adi'yoĝodaqachidi' qama'le ena'am da'me a'netaĝaqui jo'ne yaguegue da'me li'yoĝodic, uotaĝa gaa'me a'netaqachidi' laqaya' jo'ne oro uotaĝa gaa'me aneuoĝoildi' jo'ne yaqaselecalo'te, dite ga'me jo'ne p'auo, da'me uetaue na'me adai'lidi', 'me 'uo da'me 'lonaĝa jo'ne ja pal, nach'eda da'me at'oyaĝaqui 'me joĝodaic nataq'aen da'me 'uo da'me 'nemaĝac. Jenjo' jo'ne yataqatelegue, 'uo da'me lajo'viyaĝac let'adaic 'me 'yamaqaten ñe'me Dios.

Qa'a naa'me nedii's jo'ne qoyedidiñe joca'li eet'oi: “Joga'me jo'ne jetaque noqopita da'me 'noyaĝac Nataq'aen da'me tauelo jogaa'me noloqo'ote jo'ne machidiñe, 'Noota qom netela na'me lachaĝat qaedi ja 'yaĝatetac ga'me ja no'en Nataq'aen na'me nedegaĝat qaedi ja nenaĝategue ga'me noqovinaĝanaĝac. Nataq'aen 'noota qom ca'ae joga'me ja no'en Qama'le ya'uo da'me 'noota, Nataq'aen da'me yelaque da'me 'nemaĝac qama'le equegue.

Chane'eja, 'noota qom aueñi onolec da'me adelnataĝaqui, choqoda'me joĝodayaqa naa'me adai'lidi', nataq'aen da'me ami qopitaĝanaqataqayaqa, choqoda'me ami choĝodenataĝanaĝayaqa, nataq'aen da'me ja ami 'te 'yoĝodenaĝayaqa. Ena'te a'viyelaĝachiyeguet ga'me ja no'en joga'me ja no'en jo'ne ami qo'yeteque, uotaĝa ga'me anejouenaguequi, dite da'me a'viyelaĝachiyeguet da'me adichoĝodenataĝanaĝaqui, qa'a joñe'me Dios ami yiyaĝanalo joca'li qaedi auacoñiyeguet da'me mach'e lichoĝodenataĝanaĝac.

¿Jach'e jogamaĝa yaqanatet ta'le ami 'naĝa't, qom nach'e eta't da'me oquitalegue da'me a'vichetac da'me 'noota?

Nataq'aen 'noota qom ca'ae joga'me ja no'en Qama'le ya'uo da'me 'noota, Nataq'aen da'me yelaque da'me 'nemaĝac qama'le equegue.

Chane'eja qom 'uo da'me adachoĝodequi, 'noota ta'le yajouaĝat da'me auauoyi da'me 'noota, qa'a naq'aeta da'me jo'ne 'yamaqaten joñe'me Dios. Qama'le ja ena'am da'me auauoyi da'me ja no'en.