Popular Bible Verses from 1 Co 6

Share

¿Jeele ja auayachiñe queda'me adapachidiaĝaqui ena'am ta'le naqaega 'lachaqa' jo'ne netaue ñe'me Nepaqal 'me ja 'nalegue, nach'eda jo'ne ami yanema ñe'me Dios? Qama'le da'me ami ja naq'aeta ta'le adoqochidi' naa'me adapa'chidi', qa'a Dios joote ami ecoto joca'li. Qama'le 'noota ta'le a'uonataĝañiyalo naa'me adapa'chidi' qaedi a'nonaĝachiyegui joñe'me Dios.

¿Qo'li ja auayachiñe joona gaa'me ja 'noe'n ja yaqanate't ta'le tadoue da'me lejaliaĝa joñe'me Dios? ¡'Noota qom yataqachiñe auayachiñe da'me dojo'! Uotaĝa gaa'me jo'ne 'yetedac da'me nequejeguetaĝa, uotaĝa gaa'me jo'ne p'iya'alo ga'me ch'e nequi'il, uotaĝa gaa'me jo'ne ja neteleta da'me yataqatelegue 'lonáĝa'j, uotaĝa gaa'me le'mi jo'ne yadenaĝa't da'me yauo 'loyaĝac qama'le nemedoue da'me nequejeguetaĝa, uotaĝa gaa'me dalataĝa'n nale decachi'y, uotaĝa gaa'me pitaĝanaqataqayaqa, uotaĝa gaa'me taĝayaqa nale, uotaĝa gaa'me 'uenaĝanaĝayaqa, uotaĝa gaa'me cachaĝayaqa. Qaya'te onolec naa'me naajo' yaqanate't ta'le taue joda'me lejaliaĝa ñe'me Dios.

Qo'che' ami ja'aĝatema queda'me ¡'noota qom auajoye'guem da'me nequejeguetaĝa! Gamachaqaega qadoec laqaya jo'ne jauoqo nale ja 'naĝat da'me qadapachidiyaĝac. Qalaĝaja ga'me jo'ne taue da'me nequejeguetaĝa 'uo da'me loec jo'ne 'naĝat da'me mach'e lapachidiaĝac.

Uo'oe gaa'me jo'ne enapega't: “Jayem qoyaje'tem yema ga'me jo'ne jetaque ja'uo.” Eja, qalaĝaja ja yema ta'le qo'mi lecochiyalo. Yataqachiñe eja da'me jayem qoyaje'tem yema ga'me mach'e jepaquetapega, qalaĝaja ja jemache'ta ta'le gamachaqaega jayem nomat.

Nach'eñe ñe'me Dios jo'ne joote 'niyelaĝachijeguem ñe'me Jaliaĝanec, qama'le qo'mi nataq'aen nach'eda da'me lañoqotaĝanaĝac qo'mi 'niyelaĝachidijeguem qomle.