Popular Bible Verses from Revilieshan 16

Share

“Luk, mi a-go kom laik wan tiif! Di wan dem we gwaan luk out an kip aan dem kluoz so dat dem na'afi go bout niekid an shiem se evribadi si dem niekid, a dem wel bles.”

Ienjel nomba siks pich out wa iina fi im boul pan di big big riva Yuufrietiiz, an di waata jrai op an mek wie so dat di king dem fram di Iis konchri dem kyan kraas wid dem aami.

Di spirit dem a diiman spirit we du som powaful sitn. Dem go out aal uova di worl go gyada op di king dem fi waar — di waar we a-go apm pan di big die wen Gad, we muo powaful dan evribadi, a-go joj piipl.

Den mi si chrii wikid spirit we luk laik bulfrag; wan kom outa di jragan mout, wan outa di wail animal mout an wan outa di laiyad prafit mout.

Di son did so at it bon di piipl dem bad bad. An iivn duo dem a bon op, dem stil a kos Gad, Gad we av powa uova di sitn dem we mek piipl sofa. Dem kos im an stil wudn ton we fram dem sin an gi Gad priez.

Di fos ienjel pich out wa iina fi im boul pan di lan. Den som ogli suor we kaaz nof pien brok out pan di piipl dem we av di wail animal maak, an we worship di sitn we dem mek fi luk laik im.

Di wikid spirit dem gyada op di ruula dem an dem aami dem a wan plies we iina di Iibruu langwij dem kaal Aamagedan.