Popular Bible Verses from Revilieshan 10

Share

Wen di taim kom fi ienjel nomba sevn bluo fi'im chompit, Gad siikrit plan a-go kom chuu. It a-go kom chuu siem laik ou Gad did tel im prafit dem se it a-go apm.”

Den dem tel mi se, “Yu afi go gi mesij agen bout wa Gad plan fi uol iip a piipl, fram uol iip a konchri, an we taak aal saat a langwij, an tu nof king tu.”

Den mi si wan neda powaful ienjel a kom dong fram evn. An im did av wan kloud rap roun im laik kluoz, an wan rienbuo uova im ed. An im fies shain brait laik di son. An im fut dem komiin laik som kalom we mek outa faiya.

So mi go tu di ienjel an aks im fi gi mi di likl ruol op buk. Im se tu mi se, “Si'it ya. Tek it an nyam it. It a-go ties swiit laik oni iina yu mout, bot it a-go mek yu tumok sowa.” So mi tek di likl ruol op buk fram di ienjel an nyam it. It did ties swiit laik oni iina mi mout, bot afta mi nyam it, it mek mi tumok ton sowa.