Popular Bible Verses from Luuk 12

Share

A siem so unu mos redi, kaaz di Man we Gad Pik naa go kom wen unu tingk im a-go kom.”

Wa unu fi du a put unu main pan Gad kindom an wa im waahn unu fi du, an unu wi get aal a dem sitn de.

Den im tel dem se, “Wach out! Unu fi gyaad gens aal kain-a red yai, kaaz laif no jos bout umoch sitn wi uon.”

Kaaz eniwe unu put di sitn dem we wot nof tu unu a de-so unu aat a-go de.”

Unu tingk se wen unu wori wori op unuself dat gweehn mek unu liv iivn wan owa langga dan unu fi liv?

So Jiizas tel im speshal falara dem se: “No bada fret bout unu laif, a wori op unuself bout wa unu a-go iit, ar wa unu a-go wier.

Iivn di ier we de pan evri wan a unu ed im kount op an nuo umoch de de. So no bada fried kaaz tu Gad unu wot muo dan nof nof bod.

“So, unu we a fala mi, no bada fried. Unu Faada api fi gi unu im kindom.

Tingk bout di blak bod dem! Dem no plaant, dem no riip, an dem no av no stuor ous niida, bot Gad fiid dem! Unu wot uol iip muo tu Gad dan blak bod!

No kip aan a fret bout wa unu fi nyam ar jringk; no wori op unuself bout dat.

Ef dat a ou Gad jres op wail graas, wa de ya tide, an dash iina faiya tumaro, den im naa go mek shuor se unu av kluoz fi wier tu? Luk pan unu, wat a likl bit a chos unu put iina Gad!

Notn no aid we wi naa go fain out bout, an no siikrit no de we naa go bos out.