Popular Bible Verses from Jan 19

Share

Wen im get di wain, im se, “It don nou.” Den im ben dong im ed an put im spirit iina Gad an an ded.

Afta dis, wen Jiizas si se evriting we did fi apm did apm, im se, “Mi torsti.” Im did se dat so dat wa Gad wod se wuda kom chuu.

Wen Jiizas si im mada, an di falara we im did lov a tan op saida ar, im se tu ar se, “Uman, tek im az yu uona bwai pikni.” Den im se tu di falara se, “Luk, si yu mada de.” An fram da taim de, di sed falara tek iin Jiizas mada a im yaad.

Bot wen dem si se Jiizas did ded aredi, dem no bada brok fi im fut dem. So insted-a brok Jiizas fut dem, wan a di suoja dem tek wan spier shub iina im said, an blod an waata ron out sed taim.

Aal a dem sitn ya apm so wa Gad wod se wuda kom chuu. It se, “No iivn wan a im buon dem a-go get brok. ” An iina wan neks paat it se, “Dem a-go luk pan di wan we dem buor. ”

Jiizas kyari im uona kraas go a wan plies dem kaal di Skol Plies (iina di Iibruu langwij, dem kaal it Golgota).

Dem tek makabush mek kroun put it pan im ed. Den, dem jres im op iina porpl ruob.