Popular Bible Verses from Aks 5

Share

Bot Piita an di ada apasl dem se tu dem se, “Wi afi du we Gad se wi fi du, bot wi no afi du wa piipl se wi fi du.

An evridie di apasl dem go a di yaad we Gad ous de an iina piipl ous go tiich an priich di Gud Nyuuz se Jiizas a di wan we Gad sen fi siev piipl.

Den Piita aks im se, “Ananaiyas, ou kom yu mek Sietan tek kanchuol a yu an mek yu lai tu di Uoli Spirit? Yu kip bak som a di moni fi yuself, an kom a gwaan laik se yu a gi evriting? Tel mi sopm, di lan a no did fi yu bifuo yu sel it? An afta yu sel it, di moni a did fi yu an yu kuda du eniting we yu did waahn fi du wid it. So wa mek yu tingk yu did afi lai? A no piipl yu lai tu, a Gad yu lai tu.” Wen Ananaiyas ier dem wod de im jrap dong ded siem taim. An evribadi we ier we apm kech dem fried.

So ier mi, wen it kom tu dem man ya lef dem, no du notn fi ort dem. Kaaz ef di sitn we dem plan an di wok we dem a du, ef a man kom op wid dem, it naa kom tu notn. Bot ef a Gad a gi dem powa fi du wa dem a du, unu kyaahn tap dem; unu wuda fain se unu onggl a fait gens Gad.” Im get dem fi lisn an du wa im se