Popular Bible Verses from 2 Korintiyan 3

Share

So wen wi chos iina Jiizas Krais an biliiv di Nyuu Mesij, Gad di Faada sen im Uoli Spirit gi wi, an di Uoli Spirit frii wi.

An so aal a wi we bilang tu Jiizas, fi wi fies no kova op an wi kyan luk pan di Laad brait brait lait. An di Uoli Spirit we a di Laad kaaz wi fi shain brait brait tu. An muor an muor im a mek wi laik imself, til wan die wi a-go luk jos laik im.

Bot wen yu biliiv iina di Laad, im tek we da piis a klaat de.

Wi kyaahn du notn pan wi uon. Wi no av notn iina wi we wuda mek wi kyan du da wok ya. A Gad wan mek wi kyan du it. A Gad mek wi kyan sorv im an go roun go tel piipl bout di Nyuu Diil we Gad mek wid wi. Da Nyuu Diil ya no av notn fi du wid di Laa we did rait dong. Iina da Nyuu Diil ya Gad sen im Spirit gi wi; kaaz di Laa kil bot di Spirit gi laif.