Popular Bible Verses from 1 Timoti 2

Share

Kaaz a onggl wan Gad de bout, an Jiizas Krais a di migl man, di onggl wan we kyan bring Gad an piipl tugeda. Jiizas gi op im laif so dat im kuda bai bak evribadi an frii dem fram sin. Wen Jiizas ded, im shuo se Gad did av wan plan fi siev piipl bot iina fi im uona taim.

So fos ting fos, mi a beg yu an di piipl dem fi prie fi evribadi. Beg Gad fi kom chuu fi dem. Gi Gad tangks fi dem an aks im fi gi dem aal we dem niid. Prie fi enibadi we ron wan konchri an fi piipl we iina powa. Prie fi dem so wi kyan liv iina piis an kwaiyat, biyiev laik ou wi fi biyiev an worship Gad.

So mi aks dat wen unu kom tugeda fi worship Gad, dat aal a di man dem wi lif op dem an, an prie. Dem man ya laif mos kliin an wen dem a prie dem no fi av op nobadi iina dem aat ar a kwaril wid dem wan aneda. Mi waahn di uman dem fi jres prapa. Dem no fi jres op demself iina big fansi ier stail, guol, porl ar dier kluoz. Wa dem fi du a jres op demself wid di gud sitn dem we dem du fi ada piipl. A dat uman we a fala Gad fi du.