Popular Bible Verses from 1 Korintiyan 3

Share

Unu no nuo se unu badi a Gad ous an dat im Spirit a liv iina unu?

Kaaz nobadi kyan go bil wan neda foundieshan pan tap a di wan we de de aredi. An di foundieshan we de de aredi a Jiizas Krais. Im a di wan an onggl foundieshan.

So di wan we plaant an di wan we waata, dem no impuotant. Di onggl wan we riili impuotant a di wan we kaaz unu fi gruo.

Mi an Apalos, wi a jos Gad sorvant an di tuu a wi a wok tugeda fi Gad. Bot unu, unu a Gad fiil we wi a plaant op, unu a Gad bildin.

Pan di die wen Krais Jiizas kom bak evribadi a-go nuo wa evribadi bil wid an evribadi a-go nuo ef wa evribadi bil gud kaaz Gad a-go tes it wid faiya.

Nou di wan we plaant an di wan we waata, di tuu a dem a wok tugeda kaaz dem waahn di siem sitn fi apm. An di tuu a dem a-go get pie bies pan we dem du.

No bada fuul unuself. Ef unu tingk unu waiz jos chuu di piipl we no biliiv iina Gad se so, mi a tel unu a beta unu ton fuul so dat unu kyan riili get waiz.