Popular Bible Verses from 1 Korintiyan 1

Share

Bot Gad pik di sitn dem we piipl tingk a fuulinish, so dat im kyan shiem di wan dem we tingk se dem waiz. Gad pik di sitn dem we piipl tingk wiik, so dat im kuda shiem di piipl we tingk se dem chrang.

Kaaz di mesij bout ou Jiizas ded pan di kraas fi wi, komiin laik fuulinish tu di wan dem we no biliiv an we a-go go a el. Bot tu wi, di wan dem we siev, it shuo ou Gad powaful.

Kaaz di sitn dem we Gad du we di piipl dem we no biliiv tek fi fuulinish, mek muor sens dan eniting we enibadi kuda tingk bout. An we dem luk pan an se a wiik Gad wiik, it chrangga dan di chrangis ting enibadi kuda du.

Gad, di wan we kaal unu fi bi wan wid im Bwai Pikni, wi Laad Jiizas Krais, aalwiez du wa im se im a-go du. So unu kyan chos se im wi de de fi unu.

Nou iina wi Laad Jiizas Krais niem, mi a beg unu breda an sista fi tap aagyu wid unu wan aneda an plit op plit op di choch iina gruup. Unu niid fi kom tugeda an mek shuor se aal a unu tingk di siem wie an aal a unu mek op unu main fi du di siem sitn.

So den, wa unu tingk a-go apm tu di piipl dem we tingk se dem waiz? Wa unu tingk dat miin fi di Laa tiicha dem? Wa unu tingk dat a se bout di piipl dem we lov aagyu bout evriting? Gad no don shuo se aal a di sitn dem we dem piipl de tingk se dem nuo a fuulinish?