Popular Bible Verses from MUNIJE AMA AKARI 11

Share

Umba naito Amisyo kaururume po apa tavuna ramawisy. Naije idaniv anamoto manakoe no no munijo ntiti ware: “Naisoamo mine tename mbintabo, wama Amisy obo pirati be akarive rai tenambe, muno Apa Mesias tavondi, Wepi po vatane mapaya ayao kakaije rai. Indati be akarive ntoa nuge nuganui.”

Vatano wantukambe Nai upari weye Nya pari mangke mamo ama masyote mamai to. Muno Nya masyote nande to arono nyare Nyo vatano ugwenen to maijasea ukovakato, umba Nyo manajo awa ana udave rai, rui ngkov muno rui ngkakai. Nyare Nyo kovo manakoe inta raugaje irati Nya anawae nanawirati wanapatambe Nai mansai, muno Nya kawasae mansai, nanawirati wo nasyaniv, vatano mamaun muno vatano akokoe mansai tenambe. Yara are nawirati wo vatane mave tatugadi muno wo maubaisy, indati taune Nyo maubaisy. Anakotare umaso ama masyote ndea mamai kobe to.”

Muno Risyo vambunine raugajeo Sya anawae yo inaura kakavimbe jiruma yai indamu yo ana indati nande raurairive muno ijantuna memembea masyote ratoramo ribuge intabo muno ratusije jirum eane tename mandeij (1260).”

Masyote mandeij vasye intai mewen to, umba Amisye po apa anawayo raugakasya yai jakato, naije ikovakato ti isea isyayai. Weti vatan tenambe wo yaene nawamo ujani dave.

Anawae jirume umaso, vambunino naumo warae ayaura rai tavon. Weti arono yo Amisye apa ayao raurairive no mine so, yo maruge raorai maje, weamo tugae mamaisyo aya idaura so rai kobe. Muno vambunine no yai weti yo mana raveti mavu. Muno vambunine no yai indamu yo siurijo mangke kotaro rui vayave raugavo munije so rai mo ratatuv, arono rui vayave yo ramayar bayave.

Anawae jirume umaso yaurata irati inyo saitune jirum muno yawainye jirumo nsayai no Amisy amun, opirati be akarive munije tename so rai. Muno ranivara vatane inta ware wo yansewabe, naije taname muje no yawa rai mo mansanen, weti aya marova umaso mangkur bintabo. Maisyare omaisy, wene nande vatano ubeker wo anawae jirume yanasine ransewabe mai.