Popular Bible Verses from Masmur 37

Share

Syare winy nananibe AMISY atavon, indati Wepi Po nya ana mbekedai ti no no nanuga raveti mamaisy.

Syare nyo taune naunanto AMISY Ai, muno nanaveano amen; Wepirati indati Po naugavo kove rai.

Syare nanuga ntanamanin nyo AMISY anyut, natawandi nyo atunao Apa betoije rai. Vemo mparijo vatano wo ana mawese rako mai jinya, weye wenawamo vatano wo aarurijate raker muno wo ana kakaije obo ratantona.

Syare nyanave AMISY obo Ai muno nyo ana ngkove obo raijar. Indati wino kovo nsaumane rautan no muni so.

AMISY Po vatano utavono Aije maugavo awa unanuijo wanya raije rai, Wepi Po masopan tindimuve weye anayanambe awa ana wo rave rai. Arono utemasyo, wenawamo unanta pare manakoe rai jewen, weye AMISY taune Pi Po maneme raijar.

Wepirati indati Po winya mbeto Apa ananyao rai raroron kakavimbe ti vatane wo raen no nai maisyare wo uma apa vare raen wemaisy. Muno nya mamaisye raen kakavimbe maisyare uma moyar no masyote yasyine wemaisy.

Parije mamo nsopi muno nanuga mamoane mamo rapaya ra ntami, vemo mpari nora, weye parije mamo mo anakotaro ngkakainoanive obo raugav.

Arono ta rikamuramoe ndea be vatan anuive so, weramu syo vatano kove inta aeno Amisye aneme mpaya aije ramu, muno apa arikainye, apa ajavije inta wanatambe anaisye raije ramu.

Masmur Daud po ratoe. Vemo winy mparijo vatano mamune mai jinya, vemo winyamo nanuga mparijo vatano awa ana udave ngkakainoanive mai jinya.