Popular Bible Verses from ESODƆS 2

Share

Yaa lanu atuuni lɛma nwu, ni aanyuma kanya ninii nɔɔ nwu ku Abraham ku Isak ku Yakob nɛ. Nioso Yaa lamunikĩi aanyu Israel batii dibuo aayɔ nwu ole aata ma.

Alɛɛ kpi sɛmaa, Egipte ɔka labakpi. Israel batii latootuuni di sɛlanle lɛma nwu kamɛ, baawi kaku, kaku lɛma nwu baawi baakaalɛ ni lɛkyakaako ta sɛlanle lɛma nwu oso, lakyɛ dialadu Yaa nfũ.

Obe wɔ di obi nwu nkpo lamuɔ nii, aakpaa nwɔ aakyɛnko Farao obisankobi nwu, aakple nwɔ obisuɔtɔbi. Ninfɛ aatɔɔ leyooto alɛ Mose nɛ. Diekye aabuɛ alɛ, “Ntu kamɛ ladiki nwɔ lakyeko.”

Ninfɛ di Farao obisankobi nwu latɔkɔ obifɔɔle nwu ɔya alɛ, “Fũ obifɔɔle wɔ mmle faanyu nwɔ fatɛɛ, kamata fɔ koto.” Nioso ɔsanko nwu nkpo lafũ obifɔɔle nwu nkpo aanyu.

Nfanwu Farao obisankobi lakyɛ Nile okle nwu kamɛ alɛ ɔlaakpe ntu. Ninfɛ di bakpɛmblatɛ nɔɔ lakyɛ baatookyi okle nwu kotoko nɛ. Ninfɛ aanya kakyikyɛ nwu di lɛtaani kamɛ, ni aakpee ɔlanle sankobi nɔɔ onwii alɛ alaayɔ awako nɛ.

Dii ninwii obe wɔ di Mose ntoomuɔ nii, aadie aakyɛ lɛba le di batii nɔɔ bamu lawɛ ni aalaanyu ma mmle baatɔɔbla ni sɛkpɛ lɛma nwu siene. Ninfɛ aanya mmle okle di Egipte otii latɔɔpɛ ni obilɛma Hebri otii nɛ. Mose lamunikĩi aanyunyu aafenko, obe wɔ aanya alɛ otii kuonwii dilɔɔnyɔɔ nii, ni aalo Egipte otii nwu nkpo aakookaa nwɔ kɔɔtɛ kamɛ nɛ.