Popular Bible Verses from Jo Pilipi 2

Share

Kur itim wun ginnoro pi laro dito onyo pi wakere awaka nono, ento bed wunu kede mwolo, kun ŋat acel acel tero awottere acalo en dano adit akato en oko. Kur itam pi gin ame konyo ka yin keken, cite tam pi gin a konyo jo ocele.

Bed wunu kede cuny a rom i en a rik Kricito Yecu obedo kede.

Iyi epone mere rik en Obaŋa ikome, cite mom olido bedo rom kede Obaŋa. Ojalo mano ducu, te tero kite ma opii, ote nywale acalo dano. Ka doŋ opello i cal dano, omwolle gire kene, obedo awiny naka i to, naka atot i to me yataria.

pien Obaŋa en ame tye atic i yiwu kun miowu mit kede teko me tic, me iyom wunu cunye.

Pi mannono, Obaŋa omie dit amalo meicel, dok daŋ omie nyiŋ a tye malo akato nyiŋ ocele luŋ, me wek gin ducu a tye i polo kede i lobo, anaka gin ducu a tye piny i te lobo, rum coŋgi piny me woro nyiŋ Yecu, leb luŋ otuc daŋ ni, Yecu Kricito en Rwot, kun kelli Obaŋa Papo kwogo.

Ti wunu tic ducu aboŋo ŋuŋura moro onyo pyem, me ibed wunu aboŋo kopporo a loowu, ame balloro daŋ mom i yiwu, otino Obaŋa ame roccoro pe i komwu i akina Iwagi jo ogom ame oballe oko. Itye wunu ka ryeny i lobo iyi akina jo bala acer

Pi mannono, wun ame amaro, pien wun ibedo wunu rik iwinyo wunu doga i kare luŋ ka pwod abedo baŋwu, myero ibed wunu kede winy ame okato kare amanni ame doŋ atye bor kedwu. Cob wunu tic me larrewu kenwu i lworo kede myelkom