Popular Bible Verses from Jo Galatia 5

Share

Ento nyig ame onyak pi Cuny Acil en mar, yomcuny, kuc, diyo cuny, kica, ber, genne, mwolo, gwokere ken; cikkoro mom ame kwero gin acalo magi.

Ento an akobbiwu ni, mi Cuny Acil telwu, me kur icob wunu mit me kwowu me anywalli.

Ka wan obedo kwo pi Cuny Acil, myero daŋ owop yore.

Jo ame gin jo a Kricito Yecu doŋ otyeko neko kwogi me anywalli oko, karacel kede parrere kede mittere, kun oguro i kom yataria.

Tic me kwo me anywalli nen oko kannaler; gin ene: coco, caro, tarwaŋ, woro cal jogi, tim jojok, amone, daa, nyeko akemo, laro dito, pyem, popoka, to kom, mero, gat me yomcuny arac, kede mogo acalo ginnono. Akwenyorowu acalo rik koŋ akwenyorowu ni, jo ame timo gin acalo magu, loc Obaŋa mom bino doko megi.

Omegona, rik olwoŋowu me bedo i kuc; ento kur dok imi kucwu obed me cobo mitwu me anywalli. Akaka ennu, ŋat man myero miye i tiyi wadgi i mar.

Pien mit me kwo me anywalli pyem i mit a Cuny Acil, dok mit a Cuny Acil pyem i mit me kwo me anywalli. Gin aryo-ni gin omone, en omio mom itwero tiyo wunu gin ame imito wunu.

Pien cik weŋ aweŋa onotte ka i kop acel, ni, “Mar dano wadwu acalo imarre keni.”

Oweku wakere nono, kede nyuto tekowa i kom owotewa, kede bedo i nyeko i akinawa.

Kricito doŋ ogonyowa oko i opii me obed jo me kuc. Cuŋ wunu doŋ atek; kur dok ilokere wunu irwak tyenwu i kol me opii.