Popular Bible Verses from 2 Korinti 5

Share

En omio ka ŋattoro tye i Kricito, en bedo gin ame oketo anyen; gin acon nwoŋo doŋ orwenyo oko, gin anyen doŋ olunyo kakare.

Ŋat a rik mom ŋeo bal, Obaŋa oloko odoko abal pirwa, me wek pire wan odok jo a nywako kite Obaŋa a tye atira.

pien kwowa cuŋ i kom iyee, pe i neno piny.

Mano ducu obedo tic ame Obaŋa otio, ame rik odwoggowa kede baŋe pi Kricito, daŋ te miyowa tic me dwoggo jo baŋe; ni mano, i Kricito, Obaŋa onwoŋo rik tye adwoggo jo i lobo baŋe, kun mom okwano balgi i komgi, daŋ omiowa kop me kwena i kom kite ame en doŋ odwoggogi kede.

En omio wan odoko okwena, owaŋ Kricito; Obaŋa kwaowu kede dwonwa, wan daŋ obako dogwa baŋwu akaka Kricito ni, weku Obaŋa dwoggowu baŋe.

En rik oto pi jo luŋ, me jo akwo kur medde bedo kede kwo pirgi kengi, cite gin bed kede kwo pi ŋat a rik oto te cer pirgi ca. En omio ya amanni, wan mom oŋeo dano moro i kite me lobo man; kadi rik wan oŋeo Kricito i kite me lobo, mom dok oŋee kittono.

Pien mar a Kricito diowa, pien wan doŋ oŋolo aman ni, ŋat acel oto pi jo luŋ; mano omio jo luŋ doŋ oto.