Popular Bible Verses from 2 Korinti 1

Share

Myero opwoo wunu Obaŋa Papa a Rwotwa Yecu Kricito, Papo ame akica, Obaŋa ame kweo cuny jo luŋ. En kweo cunywa i canwa ducu, me wan daŋ obed i twer me kweyo cuny jo a tye kede cannoro apapat, kun okweo cunygi i yo acellono ame Obaŋa kweo kede cunywa.

Kit acalo can adwoŋ ame Kricito okanyo opoto i komwa daŋ, amannono daŋ pi Kricito wan daŋ okweo cunywa meicel.

Wan rik oŋeo ni doŋ otyeko ŋolliwa kop me to. Mano otimere me kur ojeŋere i komwa kenwa, cite ojeŋere i kom Obaŋa ame cero jo oto.

Ŋat a miowa Ocuŋ atek karacel kedwu i Yecu Kricito, dok owirowa i moo, en Obaŋa. En doŋ omwono anennere oko i komwa, dok omio Cuny mere i yiwa, me moko ni en bino miyowa ginnoro ducu ame en ociko.

Ka ce wan oneno can, mano mio okweo cunywu, dok inwoŋo wunu larre; ka okweo cunywa, mannono daŋ mio okweo cunywu, ite nwoŋo wunu daŋ teko me kanyo kite can acel ame wan okanyo-ni.