Popular Bible Verses from 1 Jo Tecalonika 5

Share

Lel wunu i kare ducu. Kwa wunu Obaŋa aboŋo keŋ. Mi wunu pwoc i jami ducu, pien mano en ame Obaŋa mito i baŋwu i Kricito Yecu.

Obaŋa ikome won kuc mi idok wunu jo acil i yore luŋ, ogwok cunywu kede tipowu kede komwu me ibed wunu aboŋo kopporo a loowu i kare me dwogo a Rwotwa Yecu Kricito. Ŋat olwoŋowu genne; bino timo man pirwu.

Nen wunu ni ŋattoro i akinawu mom oculo gin arac kede gin arac, ento i kare luŋ tem wunu timo ber i akinawu kenwu kede baŋ jo luŋ.

Pi mano, jiŋ wunu cunywu kenwu, ite daŋ konyere wunu i doŋo cunywu, ŋat man kede wadgi, acalo itye wunu ka timo.

Obako dogwa baŋwu omegowa, juku jo ame balo kare aboŋo tic, jiŋ wunu cuny jo a cunygi toco, kony wunu jo agoro, di cunywu i kom jo ducu.

Pien Obaŋa mom oyerowa me akemo mere pot i komwa, ento me olarre pi Rwotwa Yecu Kricito

Pien wun ducu ibedo wunu jo me ceŋ, jo me dyeceŋ; wan mom jo me dyewor onyo me piny acol.