Popular Bible Verses from Rômə 8

Share

Sí bí nána ká yə̌ ɛ́yə́ ɛ́ bwəlan, Dyǔ lí bwə yɔ́ á wulɔʼ wú baʼ ábə́ bá nə́ŋí mɔ́, ábə́ lí bəŋíní álí bwə ngə lí saʼní.

Mi bí bwǎm nána yûm ká ɛfɔ́ ɛ́ tíŋganiyǎ sə́ ɛ kaban á ɛniŋgán ɛ́yə́ Krísto a wɔ́ŋání sɛ́. Ká liwá tɔ luŋgɛ́. Ká bá áŋgɛl, ká bajaniya, tɔ mangínya mápə́pə̌ ámə́ má dí ámǐn. Suká púndá ɛyə̌ ɛ dí sɔnsɔ́nǎn tɔ púndá ɛyə̌ ɛ̌ paʼ. Ká mangínya má wudya wú Dyǔ, tɔ mangínya má nkínshíyə. Yǔm ká ɛfɔ́ ɛ́ shiyǎ á biwekedi bísə́sə̌n ábə́ bí tíŋgání sɛ ɛ kaʼ á ɛniŋgán ɛ́yə́ Dyǔ lí wɔ́ŋání sɛ́ á Sáŋgúwə́ n sɛ Yésuwə Krísto.

Mulimlim nâ pə́ Mudî n Dyǔ nǎn wúnján sə́ ká ngə sí díní wupyə. Sí bíyǎ ngə sí lɔ́líní ɛ káni, ndé Mudî n Dyǔ nǎn káni á sɛ́ na likwɛn átin álə́ lí túmbí mbyá n nsu.

Yə̌ sí tígŋání ɛ byá tɛ́ŋgɛnɛ misam mí manyáká mín? Njí Dyǔ lí dí na sə́, njá a tíŋgání sɛ́ ɛ tɛ́ŋgɛn?

Sɔnsɔ́nǎn, Dyǔ lí sî bwəlá mɔ̂ʼ ká nfɔ́ awə̌ a dí na Yésu Krísto a kfún muka.

Njí mɔʼ a bándí nlə́m m mɔʼ á misam mí ngunyǔ á wá. Ndé njí mɔʼ a bándí nlə́m m mɔ á misam mí Mudî n Dyǔ á wɔ́ŋ luŋgɛ́ álə́ lí sɛ̌ ɛ́ mɛ na musaŋgu.

Ǎyi, á misam mín mísə́sə̌n mí bwəlan ndé, sí túmbí bɔ́, á Krísto, awə̌ a nəŋí sɛ́ na ǎ wúnján sɛ́.

Mi nǎn mín nána, mutaka ámə́ sí mín ní sɔnsɔ́nǎn n tíŋganiyǎ ká ɛ́ bá ɛlaŋgán na wulɔʼ ábə́ Dyǔ lí lɔ́líní sɛ́ ɛ lufú á púndá ɛyə̌ ɛ̌ kə̌ ɛ́ paʼ.

Njá a tiŋgání ɛ bwə ká Krísto a makú álí nəŋ sɛ́? Misam ámə́ mí kpútí á sə́, tɔ ndutu, tɔ baʼ álí takí sɛ? Njɛ, tɔ ngə sí wɔ́ŋiyǎní mabaʼ? Tɔ ngə baʼ bá kfúmní sə́? Tɔ ngə baʼ bá sa sɛ́ ɛ búlú?

Dyǔ lí tátí milə́m mí sə átin, na lí bí likani lí Mudî á ɛ́tútú nána Mudî nǎn káni á baʼ bá Dyǔ á nyay ɛyə̌ Dyǔ lí saní.

Á ɛ́tútú nána baʼ ábə́ Mudî n Dyǔ nǎn dyɛ́lɛ́ní bá dí bǎn bá Dyǔ.

Baʼ ábə́ bá bwə̌ misam ngə ngunyǔ ɛ pɔŋíní bɔ́ na bá bwə̌, bá bán milə́m mí bɔ wɔ̂ á mísam mí ngunyuŋ. Ndé baʼ ábə́ bá bwə̌ misam ngə Mudî n Dyǔ n pɔŋíní bɔ́, bá bán milə́m mí bɔ á Mudî n Dyǔ.

Njí Dyǔ lí sî n báŋ álí bə̂ Mwǎn m mɔ álí wá á milú mí sɛ́ mɔʼ ansə́sə̌n, yán kə́ lí sî bəkání pə́ sɛ́ yǔm tɛ́ ɛ́yə́ sí kɔ́ndɛ́ní mɔ́ á ngə́ŋ ngə̂ŋ?

Mudî n Dyǔ m mə́ sə́ ɛ bwə sí bî á milə́m mí sɛ nána sí dí bǎn bá Dyǔ. Sɔnsɔ́nân, ngə sí díní bǎn bá Dyǔ, sə́ pə́ sí kwisí wunam ábə́ lí kɔ́ŋgɔ́ní á baʼ bá mɔ. Na sə́ pə́ sí kwisí byə̌m ábə́ Dyǔ lí kɔ́ŋgɔ́ní mɔ́, a mbálɛ njí sə́ pə́ sí kúfú mutaka n Krístó, ɛ́ bwə sə́ pə́ sí kwísí wulɔʼ ábə́ Dyǔ lí bəní mɔ́.

Njí sə́m ɛ misam mí ngunyǔ ɛ́ dyɛ́lɛ́ mɔ̂ʼ, mɔʼ ani ǎ bá ɛ́kfwɛyí na Dyǔ á ɛ́tútú nána a sɛ̌ nǎn mbéndá ɛ Dyǔ, na a sɛ̌ yɔ́ ɛ nan tǒm.

Byə̌m bísə́sə̌n ábə́ Dyǔ lí wíkíní á nkínshíyə, bí sinj na sə́m ɛnə̂n álí mín púndá ɛyə̌ Dyǔ lí lúfúní bǎn bá mɔ.

Á ɛ́tútú nána sí bí na kə́ŋ ta sɔnsɔ́nǎn, biwekedi bísə́sə̌n bí nkínshíyə bí kfwən átin á wuwa ábə́ bá wúní ábə́ wú dí ngə mwalân awə̌ saʼ ɛ́ yɛ́.