Popular Bible Verses from Rômə 14

Share

Suká álí dyá lídyá tɔ álí mwá mǐm yɔ̂ ɛ́ dí nsam m mbímbí á janiya lí Dyǔ. Misam ámə́ mí dí mí mbímbí mí dí álí wɔ́ŋ ɛləm ɛ́yə́ ɛ́ tɛ́ŋgɛ́ní á wusú wú Dyǔ, álí wɔ́ŋ músaŋgu na álí wɔ́ŋ munyɛŋgɛ m mə́ Mudî ámə́ n Sáŋí m bəní. Mɔtɛ́ awə̌ ǎ bwəlí Krísto nâ, a kufúwání á wusú wú Dyǔ, na baʼ bá byá pə́ nána a bwəlí nsam m mbâ.

Njí sí dí luŋgɛ́, sí dí luŋgɛ́ álí bwəlí Sáŋgúwə́. Njí sí wúlí, ní sí wúlí álí bwə Sáŋgúwə́ a wú múnyɛŋgɛ. Áfánikə̌, ká sí dí lungɛ́ tɔ sí wúlí, á makɛ́ má Sáŋgúwə́ sí díní.

Áfánikə̌, sí wánan álí bwə mísam ámə́ mí panán musaŋgu na misam ɛ́mə́ mí wúnján sɛ́ álí kpútí mɔ ma mɔtɛ́.

Áfánikə̌, sí si káyísí baʼ bápə́pə̂. Ndé mɔʼ na mɔtɛ́ a maʼ á nlə́m m mɔʼ nána a lɔ́liyǎ ɛ bwə mwǎn-n-nyǎ m mɔ a kfúm ɛkwi tɔ a kfún á wubî átin.

Ɛ́ tílání á kâti ɛ Dyǔ nána, “Dyǔ lí byábí nána ngə n díní Sáŋgúwə́ á luŋgɛ́, mɔʼ na mɔtɛ́ á tɔ̌ mabɔŋ á wúsú wú míyə, na mɔʼ na mɔtɛ́ á kɛsí mî nána miyə́ n dí Dyǔ.” Áfánikə̌, sɛ́ mɔʼ na mɔtɛ́ sí tyɛ́ á wúsú wú Dyǔ álí pɔ̌ŋ mɔ́ yǔm tɛ́ ɛ́yə́ sí bwə́líní.

Nyí kási baʼ ábə́ dúbɛ lí bɔ lí kpútiyǎ. Nyí si táŋ na bɔ́ á yə̌ ɛ́yə́ bá kaníní nána bá lɔ́líní ɛ bwə tɔ bá lɔ́líyǎ ɛ́ bwə.

Njá mɔ́lə́ ɛ díní álí káyísí mbwəlâ a mɔʼ ampə́pə̂? Sísə́ m mɔ mɔ́mə̌n mɔ́ a lɔ́lí ɛ́ byá nána yǔm ɛ́yə́ a bwəlíní ɛ́ dí bwǎm tɔ ɛ́ shiyǎ bwǎm. Ndé ngínya ɛ́ Sáŋgúwə́ ɛ́ wúnján mbwə́la ani álí bwə yǔm ɛ́yə́ ɛ́ lɔ́lí.