Popular Bible Verses from مَتّی 16

Share

بعد عیسی رو وِ شایِرداش کِرد وُ گفت: اَیَر کسی بَخوا دِ دُمِ مَه بیا، باید خُیِشِه انکار کُنه صلیبِ خُِیِشِه وُردارَه وُ دِ دُمِه مَه بیا.

مَه هَم وِ تُو مُوئِم، اسم تُو پطرُسَ وِ معنی سنگ وَ مَه وِ رو ایی تَختَ سنگ كلیسای خُیِمِه بَنا مُکُنم وُ دَروازِ آ جَنِمِ وِش غالب نِما.

كِلیدا پادِشایی آسِمُونِ وِ تُو مییِم. هَر چیی كه دِ رو زِمی بَوَنی، دِ آسِمو بَسه مِشهَ وَ هَر چیی که دِ رو زِمی وا کُنی دِ آسِمو وا مِشَه.»

وِرَ ایکه هرکه بَخوا جُونِه خُیِشِه نجات بَیَه اونِ اَ دَس مِیَه، امّا هرکَه وِ خاطرِ مَه جُونِه خُیِشِه اَ دَس بَیه اونِ هَنی وِ دَس میارَه.

چه فایدِایی وِرَ انسان دارَ که تمام دنیانِه وِ دَس بیارَه، امّا جُونِه خُیِشه بَوازَ؟ وُ یا انسان چی دِ عَوَضِ جونِش بَیَه؟

عیسی اَ اونا پُرسی: «شما چی مُوئید؟ وِ نَظَرِ شما مَه چه کسی هِسِم؟» شَمعون پطرس جُواو دا: «تُو مسیحِ موعودی پسر خدای زِنَه!»

عیسی گفت: «خُوشال تُو، ای شَمعون، پسر یونا! وِرَ ایکه ایی حقیقتِ نِه جِسم وُ خِوُن وِرَت دیار نَکِردَ، بلکه بُواَ مَه که دِ آسمُونَه اونِ دیاری کِردَ.